تین طلاق قانون: بھارتی سپریم کورٹ میں ایک اور درخواست دائر

تین طلاق قانون کے خلاف سپریم کورٹ میں ایک اور درخواست دائر کی گئی ہے۔
بھارت، تین طلاق بل قانون بن گیا

بھارتی میڈیا کے مطابق مسلم ایڈووکیٹ ایسو سی ایشن آف تامل ناڈو نے سپریم کورٹ میں تین طلاق کو جرم تصور کرنے کے خلاف آواز اٹھائی ہے اور اس قانون کو چیلنج کیا ہے۔

بھارتی سپریم کورٹ نے اس درخواست پر مودی حکومت کو نوٹس جاری کر کے معاملے کو دوسری درخواستوں کے ساتھ نتھی کر دیا ہے۔

واضح رہے کہ تین طلاق بل 25 جولائی کو لوک سبھا میں اور 30 جولائی کو راجیہ سبھا میں منظور ہوا تھا۔
بیک وقت 3 طلاقوں پر پابندی کا متنازع بل بھارتی پارلیمنٹ نے منظوری کرلیا

یاد رہے کہ تین طلاق بل میں تین طلاق کی روایت کو ختم اورغیرقانونی اعلان کیا گیا ہے۔ علاوہ ازیں مرد کو تین سال کی قید کی سزا اورجرمانے کے ساتھ مجرمانہ جرم تسلیم کیا گیا ہے۔تین طلاق بل میں اس شادی شدہ خاتون اوران کے بچوں کوالاونس دینے کی سہولت ہے۔