امریکی ویزوں کےمنتظر400افغان خاندانوں نےاسلام آبادہائی کورٹ میں درخواست دائرکردی

اسلام آباد: اسلام آباد ہائی کورٹ میں پاکستان میں غیر قانونی طور پر مقیم افغانوں سے اسلام آباد کی گرین بیلٹ کا قبضہ چھڑانے کے لیے درخواست دائر کر دی گئی ہے تاکہ امریکا میں سیاسی پناہ اور ویزا حاصل کیا جا سکے۔

درخواست میں کہا گیا کہ دہشت گردی کے خدشے کے پیش نظر گرین بیلٹ خالی کرنے اور مقامی لوگوں کے تحفظ کو یقینی بنانے کے احکامات جاری کیے جائیں۔درخواست گزار پیر فدا حسین ہاشمی ایڈووکیٹ نے سیکرٹری خارجہ، سیکرٹری داخلہ، آئی جی اسلام آباد اور سی ڈی اے کو فریق بنایا ہے۔

درخواست میں کہا گیا ہے کہ افغانستان سے امریکی افواج کے انخلاء کے بعد 400 سے زائد افغان خاندان غیر قانونی طور پر پاکستان میں داخل ہوئے جنہوں نے امریکا میں سیاسی پناہ حاصل کی اور سیکٹر ایف 6 کی گرین بیلٹ پر قبضہ کرلیا۔

فدا حسین ہاشمی ایڈووکیٹ نے موقف اختیار کیا کہ افغانیوں کا دعویٰ ہے کہ انہیں امریکی ویزوں کا وعدہ کیا گیا تھا اور اب اگر وہ افغانستان واپس آئے تو انہیں سزائے موت دی جائے گی۔

درخواست میں عدالت سے استدعا ہے کہ دہشت گردی کے خدشے کے پیش نظر فریقین کو افغان باشندوں سے گرین بیلٹ خالی کرنے اور مقامی لوگوں کے تحفظ کو یقینی بنانے کے احکامات جاری کیے جائیں۔