ڈیڑھ کروڑ روپے ہتک عزت کا دعویٰ ، بلیک میلر پریشان

قصور
(غفار ریاض نمائندہ باغی ٹی وی)
ٹریفک پولیس کے سب انسپکٹر سابقہ لائسنسنگ انچارج غلام رسول بھٹی ٹاؤٹ ایجنٹ اور ڈمی اخبار کے ذریعے زرد صحافت کرنے والے بلیک میلنگ مافیا کیخلاف سینہ سپر ہو گئے تفصیلات کیمطابق سابقہ لائسنسنگ انچارج سب انسپکٹر غلام رسول بھٹی نے فخر زمان نامی جعلی اشٹام فروش ٹاؤٹ ایجنٹ اور اسکی سرپرستی کرنے والے ڈمی اخبار روز نامہ برسرِ پیکار کے چیف ایڈیٹر افضل ناصر بھٹی کیخلاف سول کورٹ میں ڈیڑھ کروڑ ہتکِ عزت کا دعوی دائر تھانہ بی ڈویژن اور ڈی جی پی آر میں درخواست گزاری کرتے ہوئے ورکنگ صحافیوں کے ایک وفد سے بات چیت کرتے ہوئے کہا کہ صحافت ایک پیغمبرانہ پیشہ ہے اور اس مقدس پیشے کی آڑ میں بلیک میلنگ مافیا اور ٹاؤٹ ایجنٹوں کیخلاف ہر محاز پر انکا محاسبہ کروں گا اور ٹریفک پولیس کے فرائض کے متعلق ڈمی اخبار میں غلط اعداد و شمار شائع کرکے محکمے اور میری عزت کو اچھالنے والے بدنامِ زمانہ بلیک میلنگ مافیا کیخلاف قانونی چارہ جوئی کرتے ہوئے کیفرِ کردار تک پہنچاؤں گا سب انسپکٹر غلام رسول بھٹی نے یہ بھی کہا کہ ڈمی اخبار برسرِ پیکار کے چیف ایڈیٹر کی بلیک میلنگ کیخلاف ڈی پی ایس انتظامیہ نے بھی ہتکِ عزت کا دعوی دائر کر رکھا ہے یہ مافیا آئے روز صرف ایک کاپی کے اخبار پر آئے روز مختلف محکموں کیخلاف جھوٹی بے بنیاد خبریں شائع کرکے مالی فوائد حاصل کرنے میں پیش پیش ہیں انہوں نے یہ بھی کہا کہ افضل ناصر بھٹی نامی بلیک میلر صحافی اس سے پہلے ملک کے ایک ذمہ دار ادارے و اخبار روز نامہ جنگ کے لیے بھی رپورٹنگ کرتا رہا ہے جسکو آئے روز عوامی و محکمانہ شکایات پر انتظامیہ نے فارغ کر دیا تھا جو کہ بعد ازاں ایک ڈمی اخبار کے ذریعے بلیک میلنگ اور اوچھے ہتھکنڈے اپناتے ہوئے ڈسٹرکٹ کی سطح پر مختلف محکموں میں فرائض سر انجام دینے والے سرکاری ملازموں اور کاروباری شریف شہریوں کو ناجائز ہراساں کرتے ہوئے بے انتہا مالی فوائد حاصل کر رہا ہے سب انسپکٹر ٹریفک پولیس غلام رسول بھٹی نے آئی جی پنجاب ڈی جی پی آر اور دیگر ارباب اختیار سے پرزور مطالبہ کرتے ہوئے کہا کہ بلھے شاہ کی دھرتی قصور میں صحافت کی آڑ میں متحرک بلیک میلر گروہ کیخلاف سخت قانونی اقدامات کرتے ہوئے کاروائی کی جائے