اسلام آباد میں 50 فیصد آبادی کی ویکسینیشن مکمل ہو گئی اسد عمر
اسلام آباد: نیشنل کمانڈ اینڈ آپریشن سینٹر (این سی او سی) کے سربراہ اسد عمر نے کہا ہے کہ اسلام آباد میں 50 فیصد آبادی کی ویکسینیشن مکمل ہو گئی ہے۔
باغی ٹی وی :وفاقی وزیر اور این سی او سی کے سربراہ اسد عمر نے سماجی رابطے کی ویب سائٹ ٹوئٹر پر لکھا کہ وفاقی دارالحکومت اسلام آباد پاکستان کا پہلا شہر بن گیا ہے جس نے کم از کم 50 فیصد اہل آبادی (15 سال اور اس سے زیادہ) کو مکمل طور پر ویکسین دی ہے –
Islamabad has become the first city in Pakistan to have at least 50% of its eligible population (15 years & older) fully vaccinated. 71% of Islamabad eligible population has recieved atleast 1 dose. Need to see an acceleration of second dose in other cities
— Asad Umar (@Asad_Umar) September 12, 2021
انہوں نے کہا کہ اسلام آباد کی 71 فیصد آبادی کو پہلی ڈوز لگا دی گئی ہے دوسرے شہروں میں دوسری خوراک کا ایکسلریشن دیکھنے کی ضرورت ہے۔
دوسری جانب گزشتہ 24 گھنٹے کے دوران پاکستان میں عالمی وبا کورونا وائرس سے مزید 58 افراد جاں بحق ہوگئے جس کے بعد کورونا سے ہونے والی مجموعی اموات کی تعداد 26 ہزار 720 ہو گئی۔
نیشنل کمانڈ اینڈ آپریشن سینٹر (این سی او سی) کے مطابق گزشتہ 24 گھنٹوں کے دوران ملک بھر میں 57 ہزار 792 کورونا ٹیسٹ کیے گئےمزید 3 ہزار 153 کورونا کیسز رپورٹ ہوئے جبکہ گزشتہ24گھنٹے میں مثبت کیسز کی شرح 5.45 فیصد رہی۔
این سی او سی کے مطابق گزشتہ 24 گھنٹوں کے دوران ملک میں کورونا کیسز کی مجموعی تعداد 12 لاکھ 4 ہزار 520 جبکہ جبکہ مجموعی اموات کی تعداد 26 ہزار 720 ہو گئی۔
سندھ میں کورونا کے کیسز کی تعداد 4 لاکھ 41 ہزار 410، خیبر پختونخوا میں ایک لاکھ 66 ہزار 564، پنجاب میں 4 لاکھ8 ہزار 758، اسلام آباد میں ایک لاکھ ایک ہزار 840، بلوچستان میں 32 ہزار 480، آزاد کشمیر میں 33 ہزار 37 اور گلگت بلتستان میں 10 ہزار 109ہو گئی ہے۔
کورونا کے سبب سب سے زیادہ اموات پنجاب میں ہوئی ہیں جہاں 12 ہزار 135 افراد جان کی بازی ہار چکے ہیں جبکہ سندھ میں 7 ہزار73 ،خیبرپختونخوا 5 ہزار 175، اسلام آباد 879، گلگت بلتستان 179، بلوچستان میں 342 اور آزاد کشمیر میں 714 افراد جان کی بازی ہار چکے ہیں-
