8فروری ملک میں خاندانی بادشاہتوں کا خاتمہ ہوگا،سراج الحق

لوئر دیر:جماعت اسلامی کے امیر سراج الحق کا کہنا ہے کہ 8فروری ملک میں خاندانی بادشاہتوں کا خاتمہ ہوگا، الیکشن کا دن سیاسی برہمنوں کے سوگ کا دن ہے –

باغی ٹی وی:عوامی اجتماع سے خطاب میں امیر جماعت اسلامی کا کہنا تھا کہ ملک کو مسلم لیگ ن،پیپلز پارٹی اور تبدیلی کے دعویداروں نے تباہ کیا، سابقہ حکمران پارٹیاں شخصی اور خاندانی بادشاہی چاہتی ہیں 8فروری ملک میں خاندانی بادشاہتوں کا خاتمہ ہوگا، الیکشن کا دن سیاسی برہمنوں کے سوگ کا دن ہے ، ملک میں 13.6 ارب روپے روزانہ کرپشن ہو رہی ہے،حکمران ٹولہ کے پاناما لیکس، پنڈ ورا پیپرز میں نام آئے، حکمران اشرافیہ کا احتساب کوئی عدالت یا ادارہ نہ کرسکا، اب عوام ووٹ کی طاقت سے لٹیروں کا احتساب کریں گے۔

پیٹرول اور ڈیزل کی قیمتیں برقرار

سراج الحق نے کہا کہ اب پھر یہ لوگ کہتے ہیں ہمیں پھر اختیار دیں 20 سال پنجاب پر مسلم لیگ ن،15 سال سے سندھ میں پیپلز پارٹی،9 سال پی ٹی آئی کے پی کے میں حکومت رہی لیکن ان سب کی حکومتوں میں عوام کے مسائل میں بے تحاشا اضافہ ہوا ان پارٹیوں نے سودی نظام مسلط کیا جو ظلم اور یہودیوں کا نظام ہے اوران پارٹیوں نے سودی نظام کے خاتمے کی بجائے پاکستان پر سودی نظام کو مسلط رکھا، آج ان لوگوں کے پاس پاکستانی قوم کو بتانے کے لیے کوئی کارکردگی نہیں۔

سینئر پی ٹی آئی رہنما لطیف کھوسہ کا بیٹا گرفتار