راولپنڈی کی انسدادِ دہشت گردی کی عدالت نے سانحۂ 9 مئی کے 13 مقدمات کی سماعت کو 12 اپریل تک ملتوی کر دیا۔
آج کی سماعت میں معروف سیاستدان،سابق وزیر داخلہ شیخ رشید احمد، پی ٹی آئی کے رہنما عثمان ڈار اور دیگر ملزمان عدالت میں پیش ہوئے۔ اس موقع پر ملزمان کو ان کے مقدمات سے متعلق چالان کی نقول بھی فراہم کی گئیں۔پی ٹی آئی کی جانب سے وکیل محمد فیصل ملک نے عدالت میں پیش ہو کر اپنے دلائل دیے۔ عدالت نے تمام فریقین کی جانب سے جمع کرائی گئی دستاویزات کا جائزہ لیا اور آئندہ سماعت کے لیے کارروائی کو 12 اپریل تک ملتوی کر دیا۔
اس کیس کے حوالے سے ابھی تک کوئی حتمی فیصلہ نہیں آیا، اور سانحۂ 9 مئی کے مختلف پہلوؤں پر تحقیقات جاری ہیں۔ عدالت کی طرف سے آئندہ سماعت میں مزید کارروائی متوقع ہے۔ نومئی کو عمران خان کی گرفتاری کے بعد پی ٹی آءی کارکنان نے ملک بھر میں احتجاج کرتے ہوئے توڑ پھوڑ کی تھی اور شہدا کی یادگاروں سمیت فوجی تنصیبات کو نشانہ بنایا تھا.
