پردیس میں گئے 90 لاکھ پاکستانیوں کوووٹ کا حق مل گیا:فواد چوہدری کی اوورسیز پاکستانیوں کومبارکباد

اسلام آباد : پردیس میں گئے 90 لاکھ پاکستانیوں کوووٹ کا حق مل گیا:فواد چوہدری کی اوورسیز پاکستانیوں کومبارکباد،اطلاعات کے مطابق وفاقی وزیر اطلاعات و نشریات فواد چوہدری نے کہا ہے کہ سمندرپار پاکستانیوں کو ووٹ کا حق دینے کا بل ‏منظور ہونے پر عوام اور اوورسیزپاکستانیوں کو مبارکباد دیتے ہیں اب 90لاکھ اوورسیز پاکستانیوں کو ووٹنگ کا حق ‏مل جائے گا۔

پارلیمنٹ ہاؤس کے باہر میڈیا سے گفتگو کرتے ہوئے وزیراطلاعات فوادچوہدری نے کہا کہ پوری کوشش کی انتخابی ‏اصلاحات پر اپوزیشن سےاتفاق رائے ہو جائے لیکن بدقسمتی سے اپوزیشن کا رویہ منفی رہا، نوازشریف اینڈ ‏کمپنی نے کرکٹ بھی اپنے امپائرز کے بغیر نہیں کھیلی، مارشل لاکی گود میں پرورش پانے والوں کی سیاست ہمیشہ ‏دوسروں کے کندھوں پر رہی آج ایک بار پھر ثابت ہوگیا پی ٹی آئی ملک کی بڑی جماعت ہے۔

فوادچوہدری نے کہا کہتحریک عدم اعتمادلانےکی کوشش کرنےوالوں کی آج آنکھیں کھل جانی چاہئیں اپوزیشن ‏میں قیادت کا انحطاط ہےتمام سیاسی بونےہیں تمام سیاسی بونےپی ڈی ایم میں جمع ہیں اپوزیشن مایوسی کےعالم ‏میں ہے ان کی مایوسی میں مزیداضافہ ہوگا،۔

انہوں نے کہا کہ آزادانہ اور شفاف انتخابات کیلئےجو ریت رکھی ہے اس سےفائدہ ہوگا اپوزیشن نےپہلےسال ‏زور لگایا ہمیں نہیں نکال سکے اپوزیشن نےدوسرےسال بھی ہمیں نکالنےکازورلگایا ناکام رہے تیسرےسال بھی ہمیں ‏نکالنے کا زور لگایا ناکام رہے اپوزیشن کوصرف اتناکہتاہوں تھکےہوئےپہلوانوں کاکام نہیں۔