بین الاقوامیتازہ ترین

95ویں”آسکر ایوارڈز” کی نامزدگیوں کا اعلان،”جوائے لینڈ” جگہ بنانے میں ناکام

3 سال قبل
3 سال قبل

فلمی دنیا کے سب سے معتبر سمجھے جانے والے 95 ویں ’آسکر ایوارڈز‘ کی نامزدگیوں کا اعلان کردیا گیا-

باغی ٹی وی : بہترین انٹرنیشنل فیچر فلم کی کیٹیگری میں جوائے لینڈ ،جرمن فلم ’آل کوائٹ آن دی ویسٹرن فرنٹ‘، ارجنٹائن کی ’ارجنٹائن 1985‘، بیلجئن کی فلم ’کلوز‘، پولش فلم ’ای او‘ اور آئرلینڈ کی ’دی کوائٹ گرل‘ کو نامزد کیا گیا ہے۔

اجے دیوگن پٹھان کی ایڈوانس بکنگ پرخوش

فلم ‘ایوری تھنگ ایوری وئیر آل ایٹ ونس’ 11 نامزدگیوں کے ساتھ سب سے آگے رہی،ہالی وڈ کی اس سائنس فکشن فلم کو بہترین فلم، بہترین ڈائریکٹر، بہترین اداکارہ، بہترین معاون اداکارہ اور بہترین معاون اداکار سمیت دیگر شعبوں کے لیے نامزد کیا گیا۔

95 ویں آسکر ایوارڈز میں بہترین فلم کے لیے ایوری تھنگ ایوری وئیر آل ایٹ ونس کے علاوہ اواتار دی وے آف واٹر،TÁR، ایلوس، The Fabelmans ، The Banshees of Inisherin، ٹاپ گن میورک،جرمن فلم آل کوائٹ آن دی ویسٹرن فرنٹ، ٹرائی اینگل آف سیڈنس اور Women Talking کے درمیان مقابلہ ہوگا۔


The Banshees of Inisherin کو مجموعی طور پر 9 ایوارڈز کے لیے نامزد کیا گیا، خاص طور پر اداکاری کے شعبوں میں اس کے 4 اداکار مقابلہ کریں گے، جبکہ ملالہ یوسفزئی کی حمایت یافتہ دستاویزی فلم’اسٹرینجر ایٹ دی گیٹ‘ کو بھی آسکرز میں جگہ مل چکی ہے۔


The Fabelmans کو بہترین ڈائریکٹر سمیت مجموعی طور پر 7 ایوارڈز کے لیے نامزد کیا گیا،ٹاپ گن میورک کے حصے میں 6 نامزدگیاں آئیں مگر ٹام کروز خود بہترین اداکار کی نامزدگی حاصل کرنے میں ناکام رہے جبکہ پہلی جنگ عظیم کے پس منظر پر بننے والی فلم آل کوائٹ آن دی ویسٹرن فرنٹ اور ایلوس کو 8 ، 8 ایوارڈز کے لیے نامزد کیا گیا۔

غیر ملکی فلموں کی کیٹیگری میں صائم صادق کی ہدایت کردہ پاکستانی فلم جوائے لینڈ جگہ بنانے میں ناکام رہی البتہ بھارتی فلم ‘آر آر آر’ کا گانا ناتو ناتو بہترین اوریجنل گانے کی کیٹیگری میں نامزدگی حاصل کرنے میں کامیاب رہا۔

یاد رہے کہ 95 ویں اکیڈمی ایوارڈز کا میلہ 12 مارچ کو لاس اینجلس میں سجے گا جس میں نامزد ہونے والوں کو فلمی دنیا کے سب سے بڑے ایوارڈ سے نوازا جائے گا۔

اداکارہ کنگنا رناوت کا ٹوئٹر اکاؤنٹ بحال کر دیا گیا

ٹیگز:
زمرہ جات:
بین الاقوامیتازہ ترینشوبز
Shares:

مزید خبریں