اسلام آباد :پاکستان اگلے ہفتے اہم بین الاقوامی سرگرمیوں کا مرکز بننے جارہا ہے،اطلاعات کے مطابق اس اہم مشن کے سلسلے میں وزیراعظم عمران خان 28 اکتوبر کو ننکانہ صاحب پہنچ رہے ہیں ،وزیراعظم عمران خان ننکانہ میں باباگرونانک یونیورسٹی کا سنگ بنیاد رکھیں گے
تفصیلات کے مطابق کرتارپورراہداری کے افتتاح سے پہلے باباگرونانک یونیورسٹی کا سنگ بنیاد رکھا جائے گا ، وزیراعظم عمران خان28 اکتوبر کی صبح11 بجے یونیورسٹی کا سنگ بنیاد رکھیں گے، ننکانہ صاحب میں بابا گرونانک یونیورسٹی کی تقریب کے انتظامات مکمل کرلئے گئے ہیں۔
ذرائع کے مطابق 28 اکتوبرکا دن پاکستان کی تاریخ میں ایک اور تاریخ رقم کرنے جارہا ہے، یہ بھی معلوم ہوا ہےکہ اس سنگ بنیاد کی تقریب میں وزیر اعلیٰ پنجاب، وفاقی ، صوبائی وزرا اور غیر ملکی سفیر شرکت کریں گے، وفاقی وزیر داخلہ اعجاز احمد شاہ تقریب کے مہمانوں کا استقبال کریں گے۔
