پاکستان میں‌ ہی پاکستانیوں سےافغان سفارتخانے کاتضحیک آمیزسلوک

اسلا م آباد :پاکستان میں پیداہونے والے ،لکھ پڑھ کر جوان ہونے والے جب واپس افغانستان گئے تو پرائے ہی ہوگئے ، جب اقتدار ملا تو دشمن بن گئے مگر پھر بھی پاکستان اور پاکستانیوں نے ہمیشہ پیار دیا ،افغان رویوں کی تازہ مثال افغانستان نہیں پاکستان میں‌ ہی پیش آگئی ، اطلاعات کے مطابق پاکستان میں واقع افغان سفارت خانے کی جانب سے ویزہ کے حصول کےلیے آنے والے پاکستانیوں کے ساتھ تضحیک آمیز رویّہ پیش کیا جا رہاہے۔

تفصیلات کے مطابق ذرائع نے معلوم ہوا ہے کہ پاکستان کے دارالحکومت اسلام آباد میں واقع افغان سفارت خانے کے عملے کی جانب سے پاکستانیوں کے نامناسب رویہ اختیار کیا جارہا ہے جس کے باعث پاکستانیوں میں شدید تشویش پائی جاتی ہے۔ خیبر پختونخوا سے تعلق رکھنے والے 300 افراد نےویزے کی درخواست دے رکھی ہے جبکہ افغانستان نے پشاور قونصلیٹ بند ہونے کا سرکلر جاری کر رکھا ہے۔

ذرائع کے مطابق اسلام آباد آنے والے افراد کو 2 ہفتے سے ایمبیسی کے چکر لگوائے جارہے ہیں۔ذرائع کا کہنا ہے کہ افغان سفارت خانے کے رویے کے خلاف احتجاج کرنے والے مظاہرین نے مطالبہ کیا ہے کہ افغان شہریوں کےساتھ بھی ایسا ہی رویہ اختیار کیا جائے،شدیداحتجاج پرجلدویزہ دینےکی یقین دہانی کرائی گئی۔