ڈالر کی قدر میں آج پھر کمی
![](https://baaghitv.com/wp-content/uploads/2019/05/doller.jpg)
کاروباری ہفتے کے چوتھے روز اوپن مارکیٹ میں ڈالر کی قدر میں 10 پیسے کمی ہوئی ہے۔ایکسچینج کمپنیز ایسوسی ایشن کے مطابق اوپن مارکیٹ میں ڈالر آج 155.80 روپے میں فروخت ہورہا ہے جو کہ گزشتہ روز 155.90 روپے میں دستیاب تھا۔اسی طرح انٹر بینک میں ڈالر 155.75 روپے میں فروخت ہورہا ہے۔رواں سال اپریل میں ڈالر 164 روپے تک پہنچ گیا تھا اور گزشتہ چھ ماہ کے دوران اس کی قیمت میں آٹھ روپے 20 پیسے کمی ہوئی ہے۔
2019 میں بھی ڈالر کی قیمت میں روپے کے مقابلے میں پیش رفت جاری رہی۔ جنوری میں ڈالر 138 روپے93 پیسے، فروری میں 138 روپے 90 پیسے اور مارچ میں 139 روپے10 پیسے پر ٹریڈ کررہا تھا۔
اپریل 2019 میں ڈالر چھلانگ لگا کر 141 روپے 50پیسے پر آگیا۔ مئی میں 151 روپے اور جون میں تاریخ کی بلند ترین سطح 164روپے پر پہنچ گیا۔