مرکزی انجمن تاجران نے تاجر برادری کے فیصلے کو سراہا

شیخوپورہ (نمائندہ باغی ٹی وی سے) چیئرمین مرکزی انجمن تاجران الحاج ملک محمد اسلم بلوچ نے کہا ہے کہ تاجروں اور ایف بی آر کے مابین معاہدہ طے پا جانے سے ملک میں معاشی استحکام آئے گا انہوں نے یہاں میڈیا کے نمائندوں سے گفتگو کرتے ہوئے کہا کہ شیخوپورہ کے تاجروں نے ہڑتال میں بلکل حصہ نہ لے کر ثابت کر دیا ہے کہ وہ امن اور معاشی استحکام چاہتے ہیں الحاج ملک محمد اسلم بلوچ نے تاجر برادری کے رہنماؤں شیخ محمد آصف ماجد منظور کاہلوں سیٹھ محمد عظیم شیخ عبدالحفیظ واجد بخاری حاجی محمد رمضان ورک محمد شفیق خان اور دیگر کے ہمراہ میڈیا کے نمائندوں سے گفتگو کرتے ہوئے کہا کہ وزیراعظم عمران خان کی ہدایت پر ایف بی آر نے تاجر برادری کے اہم مطالبات کو تسلیم کر لیا ہے اور سب سے اہم فیصلہ یہ کیا ہے کہ شناختی کارڈ کی شرط پر خرید و فروخت پر تادیبی کاروائی 31 جنوری 2020 تک مؤخر کر دی گئی ہے