ویمنز بیس بال گرین کے ہاتھوں بلیوز کو شکست

لاہور: گورنرہاوس کھیل کی سرگرمیوں کے لیے بہت سود مند ثابت ہورہا ہے، ویسے تو گورنرہاوس کے سب شہریوں کے لیے کھول دیا گیا ہے ، تاہم خصوصی سرگرمیوں کے حوالے اہم اطلاعات ہیں ،اطلاعات کے مطابق پاکستان گرین نے پاکستان بلیوز کو تین رنز سے ہرا کر ویمنز بیس بال نمائشی میچ جیت لیا۔گورنر ہاﺅس میں شیڈول میچ میں بیگم گورنر پنجاب نے خصوصی طور پر شرکت کی۔

ذرائع کے مطابق تاریخی اہمیت کے حامل گورنرہاﺅس لاہور میں سجا خواتین بیس بال ٹیموں کے درمیان نمائشی میچ کا میلہ، پلیئرز، سکولوں کی بچیوں اور خواتین نے دلچسپ مقابلے سے خوب لطف اٹھایا، سیلفیاں بنائیں اور گورنرہاﺅس کی سیر بھی کی

پاکستان گرین نے پاکستان بلیوز کو7کے مقابلے میں10 سکور سے شکست دے کر میچ کا نتیجہ اپنے نام کیا،خوشی سے سرشار پلیئرز کا کہنا تھا کہ گورنر ہاﺅس میں آنا اوریہاں کی خوبصورت گراﺅنڈ میں کھیلنا کسی خواب سے کم نہیں۔ اختتامی تقریب کی مہمان خصوصی بیگم گورنر پنجاب نے پاکستان بیس بال فیڈریشن کے صدر فخر علی شاہ کے ہمراہ انعامات کے ذریعے پلیئرز کی حوصلہ افزائی کی۔