لاہور میں سموگ کے اضافے کی وجہ وزیراعلیٰ پنجاب نے بتادی
باغی ٹی وی :وزیراعلیٰ پنجاب سردار عثمان بزدار نے کہا ہے کہ بھارت کے سرحدی علاقوں میں فصلو ں کی باقیات جلانے اور ہوا کا رخ تبدیل ہونے سے گزشتہ شام لاہور اور اس کے گرد و نواح میں سموگ میں اچانک اضافہ ہوا۔اللہ تعالیٰ کے فضل و کرم سے رات ہونے والی بارش سے آج صورتحال بہت بہتر ہے۔ میں رات گئے تک سموگ کی صورتحال کو خود مانیٹر کرتا رہا۔متعلقہ اداروں اور انتظامیہ کو اس ضمن میں فوری طور پر ضروری ہدایات جاری کیں۔ شہریوں کی مشکلات کے ازالے کیلئے انتظامیہ اور ٹریفک پولیس کو فوری طور پر متحرک کیا گیا۔ رآنے والے دنوں میں سموگ کی صورتحال سے نمٹنے کیلئے متعلقہ اداروں کو چوکس رہنے کی ہدایات جاری کر دی گئی ہیں۔
محکمہ ماحولیات، انتظامیہ اور متعلقہ ادارے سموگ کی صورتحال سے نمٹنے کیلئے وضع کردہ پلان پر من و عن عملدرآمد یقینی بنائیں۔ اس ضمن میں کسی قسم کی کوتاہی یا غفلت برداشت نہیں کی جائے گی۔ ماحولیاتی آلودگی اورسموگ پر قابو پانے کیلئے مہم کو مزید تیز کرنے کا حکم۔
آلودگی پھیلانے والی صنعتوں، گاڑیوں اور اینٹوں کے بھٹوں کے خلاف قانون کے تحت کارروائی کی جائے۔عوام کو سموگ کے اثرات سے بچانے کیلئے احتیاطی تدابیر کے لئے موثر آگاہی مہم چلائی جائے
