کراچی کے مختلف محاذوں پر حملہ ہوگیا

کراچی :پاکستان اس وقت بہت سے مسائل سے دوچارہے ، ایک طرف اسلام آباد میں مولانا فضل الرحمن اسلام آباد پر قبضے کی کوشش میں ہیں تو دوسری طرف بھارت کیطرف سے کشمیر کے سرحدی علاقوں میں گولہ باری اور فانرنگ سے جانی و مالی نقصان ہورہا ہے، ادھرکراچی کے مختلف علاقوں میں ٹڈی دل نے نے حملہ کرکے کھڑی فصلوں کو تباہی کے خدشے سے دوچار کردیا ہے۔

ٹڈی دل نے ملیر، گڈاپ ٹاؤن، بن قاسم میں کھڑی فصلوں پر حملہ کیا جس کی وجہ سے کاشتکار پریشان ہوگئے۔کاشتکاروں نے فصلوں کے تحفظ کے لیے سندھ حکومت سے مدد اپیل کردی ہے۔خیال رہے کہ رواں سال اقوام متحدہ کے فوڈ اینڈ ایگریکلچرل آرگنائزیشن (ایف اے او) نے خدشہ ظاہر کیا ہے کہ پاکستان میں ٹڈی کی موجودہ صورتحال نہایت سنگین ہوسکتی ہے۔

خیال رہے کہ اگست کے مہینے میں ٹڈی چولستان، نارا اور تھرپارکر کے صحراؤں میں انڈے دیتی ہیں جہاں بھارتی سرحد کے قریب ٹڈیوں کا جھنڈ بنتا ہے۔ٹڈی دل تھر، سانگھڑ، دادو میں سیکڑوں ایکڑ پر کھڑی فصل کو تباہ کرنے کے بعد کراچی پہنچا ہے۔اس سے قبل 1960 میں کراچی میں ٹڈی دل کا حملہ دیکھا گیا تھا۔