صرف ماہ نومبر میں ریکارد سرمایہ کاری

صرف ماہ نومبر میں ریکارد سرمایہ کاری

تفصیلات کے مطابق موجودہ حکومت کے معاشی پلان سے معیشت کے مستحکم ہونے کے اثرات سامنے آنے لگے ہیں.اس سلسلے میں‌رواں مالی سال اور خاص طور پر نومبر کے مہینے میں پاکستان میں بیرونی سرمایہ کاری میں خاطر خواہ اضافہ دیکھنے میں آرہاہے ۔ یکم سے12 نومبر تک پاکستان میں 267 ملین ڈالرکی ریکارڈ سرمایہ کاری ہوئی ہے۔

وزارت خزانہ کے ذرائع کا کہناہے کہ برطانیہ سے 169عشاریہ 5 ملین ڈالر ،امریکہ سے 92اعشاریہ6 ملین ڈالرز اور متحدہ عرب عمارات سے 5ملین ڈالر کی سرمایہ کاری ہوئی ۔

وزارت خزانہ کے ذرائع کا کہناہے کہ یہ سرمایہ کاری قلیل مدتی ٹریژری بلز(بانڈز) جو کہ 3،6اور 12 ماہ کی مدت کے لئے جاری کیے جاتے ہیں میں ہوئی ہے ۔

ماہرین کا خیال ہے کہ سرمایہ کاری میں اضافے کی وجہ قلیل مدت کے بانڈز کی پرکشش شرح منافع ہے جو کہ لگ بھگ ساڑھے13 فیصد ہے ۔
رواں مالی سال یعنی یکم جولائی سے اب تک 711 ملین ڈالر کی سرمایہ کاری ہوچکی ہے
دوسری طرف ڈالر میں استحکام ہو چکا ہے اور سٹاک مارکیٹ میں اضافہ دیکھنے کو مل رہا ہے.