ٹرمپ نے اگلی مہم کا آغاز کر دیا

ٹرمپ نے دوسری بار صدارت کے لیے انتخابی مہم شروع کر دی

تفصیلات کے مطابق :امریکی صدر ڈونلڈ ٹرمپ نے دوسری بار صدارت کے لیے انتخابی مہم شروع کر دی اورلانڈو میں خطاب کرتے ہوئے صدر ٹرمپ نے میکسیکو سرحد پر دیوار کی تعمیر مکمل کرنے کا عزم دوہرا دیا۔امریکی صدرڈونلڈ ٹرمپ دوسری بار صدارت کی کرسی سنبھالنے کے لیے پرعزم ہیں اور فلوریڈا میں انتخابی مہم کا آغاز کر دیا۔ اورلینڈو میں 20 ہزار حامیوں سے خطاب کرتے ہوئے امریکی صدر نے کہا کہ معاشی حالات بہتر اور امریکا مستحکم ہو رہا ہے۔

انہوں نے کہا جھوٹے میڈیا نے پہلے بھی ان کے خلاف خبریں چلائیں۔ انہوں نے کہا کہ رابرٹ مولر کی تحقیقات کوئی رکاوٹ نہیں، صدر بن کر روس پر پابندیاں لگائیں۔ امریکی صدر نے میکسیکوسرحد پر دیوار کی تعمیر مکمل کرنے کا عزم ایک بار پھر دوہرایا۔