غیر قانونی پارکنگ سٹینڈ تجاوزات کی بڑی وجہ ہیں، حاجی عتیق الرحمان

سرگودھا (بیورو رپورٹ) غیر قانونی پارکنگ سٹینڈ ختم کرنے میں تاجر انتظامیہ سے بھرپور تعاون کرینگے غیر قانونی پارکنگ سٹینڈ تجاوزات کی بڑی وجہ ہیں اور اس سے ٹریفک کے مسائل بھی بڑھ رہے ہیں انتظامیہ کی جانب سے غیر قانونی پارکنگ سٹینڈ ختم کرنے کے فیصلے کی حمایت کرتے ہیں ان خیالات کا اظہار انجمن تاجران گول چوک کے راہنما حاجی عتیق الرحمن نے کیا انہوں نے کہا کہ پارکنگ کی وجہ سے شہریوں کیساتھ ساتھ تاجروں کو بھی مشکلات کا سامنا کرنا پڑتا ہے اس لئے پارکنگ ایریا کیلئے مختص جگہ پر پارکنگ ہونی چاہیئے حاجی عتیق الرحمن نے کہا کہ تاجروں نے ہمیشہ انتظامیہ کے ہر اچھے فیصلے کا خیر مقدم کیا ہے انتظامیہ کو بھی چاہیئے کہ وہ تاجروں کو چھوٹی موٹی باتوں پر ریلیف فراہم کرے۔