سڈنی: پاکستانی کرکٹرز اور بھارتی ٹیکسی ڈرائیور کی جذبہ خیرسگالی کی داستان کے دنیا بھر میں تذکرے پاکستان اور بھارت کے درمیان تعلقات چاہے کتنے ہی کشیدہ کیوں نہ ہوں لیکن ہمیں اکثر دونوں ملکوں کے عوام کے درمیان محبت اور جذبہ خیرسگالی کی دلچسپ مثالیں سننے کو ملتی ہیں اور اس طرح کا ایک واقعہ برسبین میں پاکستانی ٹیم کے ساتھ پیش آیا۔
آئی جی اسلام آبادکی باکسرمحمدوسیم سےملاقات، پاکستان کےلیےخدمات پرخراج تحسین پیش…
🚕🏏️🚖 The heartwearming story of the Indian taxi driver and five @TheRealPCB players.❤️
🎥📺@AlisonMitchell tells Mitchell Johnson about it on Commentator Cam. 🔊🎙️ #AUSvPAK
Listen live 📻📱 ABC Radio / Grandstand digital / ABC Listen app — https://t.co/dhH8gmo5FZ pic.twitter.com/qdwsK83F7X
— ABC SPORT (@abcsport) November 24, 2019
پاکستان کی ٹیم گزشتہ دنوں آسٹریلیا کے خلاف ٹیسٹ میچ کے لیے برسبین میں موجود تھی جہاں سیریز کے پہلے ٹیسٹ میچ میں قومی ٹیم کو اننگز اور 5 رنز سے شکست کا منہ دیکھنا پڑا۔میچ کے چوتھے دن کا کھیل شروع ہونے سے اے بی سی ریڈیو کی مبصر ایلیسن مچل نے پاکستانی کرکٹرز اور بھارتی ٹیکسی ڈرائیور کے درمیان ہونے والی دلچسپ گفتگو کا احوال سنایا جسے دونوں ملکوں کے عوام نے خوب سراہا ہے۔
لاہور!لہورای اے :آج کا دن ،لاہورباقی شہروں پربازی لے گیا
داستان کچھ یوں ہےکہ پاکستان اور آسٹریلیا کے درمیان برسبین میں جاری میچ کے دوران ایک دن شام میں 5 پاکستانی کھلاڑیوں نے ایک باہر کھانا کھانے کا پروگرام بنایا۔ان پانچوں کھلاڑیوں نے باہر جانے کے لیے ایک ٹیکسی ہائر کی جس کا ڈرائیور بھارتی شہری تھا اور اس نے فوری طور پر ان پاکستانی اسٹارز کو پہچان لیا۔جب یہ کرکٹرز کھانے کے لیے ایک بھارتی ریسٹورنٹ پر پہنچے تو ٹیکسی ڈرائیور نے ان سے کرایہ لینے سے انکار کردیا اور کافی اصرار کے باوجود بھی وہ رقم لینے پر رضامند نہ ہوا۔
کوریائی اداکارہ گوہارا نے خودکشی کرلی۔فلم انڈسٹری صدمے میں ڈوب گئی
بھارتی ٹیکسی ڈرائیور کا یہ جذبہ خیرسگالی پاکستانی کھلاڑیوں کو بھی پسند آیا اور انہوں نے اس ڈرائیور کو اپنے ساتھ کھانے پر مدعو کر لیا اور بھارتی ڈرائیور نے اس دعوت کو قبول کر لیا۔یہ کہانی ایلیسن مچل کو اسی ٹیکسی ڈرائیور نے اس وقت سنائی جب ٹی وی مبصر نے گراؤنڈ میں آنے کے لیے ان کی خدمات حاصل کی تھیں۔سوشل میڈیا پر اس کہانی کو بہت سراہا جا رہا ہے اور صارفین نے پاکستانی کرکٹرز کے جذبہ خیرسگالی پر ان کو خوب سراہا ہے۔