لاہور:دکھی انسانوں کامداوا،پنجاب کے سب بڑے عوامی فلاحی منصوبے کااعلان ،اب بننے جارہاہے دکھی انسانیت کے علاج کیلئے بڑا ہسپتال،اطلاعات کے مطابق وزیراعلیٰ پنجاب سردار عثمان بزدار نے لاہور میں خون کی بیماریوں کے علاج کیلئے بڑاہسپتال بنانے کا اعلان کردیا ، انسٹی ٹیوٹ آف بلڈ ڈزیز لاہورمیں بنے گا۔
ذرائع کے مطابق لاہور میں انسٹیٹیوٹ آف بلڈ ڈزیزیز پانچ سو بیڈ کے ہسپتال میں تمام جدید سہولتیں میسر ہوں گی، اس ہسپتال کے قیام پر 5 ارب روپے کی لاگت آئے گی۔وزیر اعلیٰ پنجاب نے فیصلہ ڈاکٹر طاہرشمسی سے ملاقات کے بعد کیا، کراچی کے ممتاز ڈاکٹر طاہر شمسی نے وزیراعلیٰ کی توجہ خون کی بیماریوں کی طرف مبذول کروائی تھی۔
ذرائع کے مطابق اس ملاقات میں وزیراعلیٰ پنجاب سردار عثمان بزدار نے ڈاکٹر طاہر شمسی کو یقین دہانی کروائی کہ جلد ہسپتال کے حوالے سے عملی اقدامات ہوں گے اور پنجاب ہی نہیں تمام صوبوں سے خون کی بیماریوں کے مریضوں کو مفت علاج کی سہولت دیں گے، وزیراعلیٰ پنجاب نے اس ضمن میں سفارشات اورایکشن پلان مانگ لیا ہے۔
