بھارت:ریاست آسام میں مسلمان نوجوانوں پر جئے شری رام اور پاکستان مردہ باد کے نعرے نہ لگانے پرتشدد

آسام:بھارتی ریاست آسام سے آمدہ اطلاعات کے مطابق بارپیٹا گاوں میں انتہا پسند ہندووں نے چند مسلمان افراد پر اس وقت تشدد کرنا شروع کردیا جب مسلمان افراد نے جئے شری رام اور پاکستان مردہ باد کے نعرے لگانے سے انکار کردیا .پولیس حکام کے مطابق دو انہتا پسند تنظیموں آل آسام مینوری ٹی سٹوڈنٹس اور نارتھ ایسٹ مینوری ٹی سٹوڈنٹس کے کارندوں کے خلاف مقدمات درج کر لیے ہیں.پولیس حکام کے مطابق پولیس کا اس صورت حال کا اس وقت علم ہوا جب رات کو مسلمان افراد کو ز بردستی جئے شری رام اور پاکستان مردہ باد کے نعرے لگانے سے انکار پر سخت تشدد کا نشانہ بنایا گیا.

پولیس کے مطابق یہ مسلمان افراد ایک رکشے میں سوار تھے جب رات کو ان انتہا پسندوں نے زبردستی روکا اور نعرے لگانے پر مجبور کیا .ذرائع کے مطابق پہلے ان انتہا پسندوں نے پاکستان مردہ باد اور جئے شری رام کے نعرے لگانے سے انکار پر مسلمانوں پر تشدد کیا اور پھر تشدد کے دوران ویڈیوز بھی بناتے رہے .پولیس کے مطابق ان انتہا پسندوں نے یہ ویڈیو سوشل میڈیا پر وائرل کردی جس سے علاقے میں سخت خوف وہراس پایا جا رہا ہے. یاد رہے کہ اس سے قبل بھی ہندو انتہا پسندوں کی طرف سے مسلمانوں کو زبردستی جئے شری رام ،بھارت ماتا کی جئے اور پاکستان مردہ باد کے نعرے لگانے پر مجبور کیا جاتا رہا ہے. پولیس حکام کے مطابق ان مجرموں کی گرفتاری کے لیے پولیس کاروائی کررہی ہے.