عثمان بزدار نے ایسا اعلان کر دیا کہ پنجاب بھر میں کھلبلی مچ گئی، افسران کی راتوں کی نیند حرام
باغی ٹی وی کی رپورٹ کے مطابق وزیراعلیٰ پنجاب سردار عثمان بزدار آئندہ ہفتے سے مختلف شہروں کے دوبارہ دورے کریں گے۔ وزیراعلیٰ فیلڈ وزٹ کے دوران ترقیاتی سکیموں پر پیش رفت کا خود جائزہ لیں گے۔وزیراعلیٰ سرکاری دفاتر، تھانوں ،اراضی سینٹرز اور ہسپتالوں کے بھی دورے کریں گے۔
وزیراعلیٰ فیلڈوزٹ کے دوران صفائی کی صورتحال اورامن وامان کے انتظامات کا بھی جائزہ لیں گے۔وزیراعلیٰ عوام کی شکایات کے ازالے کیلئے موقع پر ہی ضروری احکامات جاری کریں گے۔وزیراعلیٰ ہر ضلع میں اراکین اسمبلی اورتحریک انصاف کے عہدیداران و کارکنوں سے بھی ملاقات کریں گے۔
دکھی انسانیت کی خدمت میں عثمان بزدار بازی لے گئے
بیورو کریسی میں تبادلوں کا سلسلہ شروع،نیا چیف سیکرٹری پنجاب کس کو تعینات کیا گیا؟
وزیراعلیٰ اراکین اسمبلی اورپارٹی عہدیداران و کارکنوں کے مسائل سنیں گے اوران کے حل کیلئے ہدایات دیں گے۔ وزیراعلیٰ نے کہا کہ پہلے بھی مختلف شہروں کے دورے کیے ہیں۔آئندہ ہفتے سے فیلڈ وزٹ کر کے زمینی حقائق خود دیکھوں گا۔ عوام کے ساتھ براہ راست رابطہ کر کے اصل صورتحال کا اندازہ ہوتا ہے۔عوام کو ریلیف دینے کیلئے ہرممکن اقدام کریں گے اور ترقیاتی منصوبوں پر کام کی رفتار مزید تیز کی جائے گی.
کیا نواز شریف صحتیاب ہو گئے؟ شہباز شریف کی پارٹی کو جشن منانے کی ہدایت
وزیراعلیٰ پنجاب عثمان بزدار گزشتہ ایک ہفتے میں وزیراعظم عمران خان سے 3 بار ملاقات کر چکے ہیں۔ ملاقاتوں میں پنجاب میں تبدیلیوں کے حوالہ سے اہم ترین مشاورت کی گئی جس کے بعد چیف سیکرٹری پنجاب اور آئی جی پنجاب کا تبادلہ کیا گیا،
تبدیلی تو پنجاب میں آئی، کمشنرز،سیکرٹریز، ڈپٹی کمشنرز اور پولیس افسران کے تبادلے
واضح رہے کہ پنجاب میں بہتری لانے کے لئے وزیراعظم عمران خان نے وزیراعلیٰ پنجاب کو حکم دیا تھا جس کے بعد وزیراعلیٰ نے پنجاب کے مختلف اضلاع کے دوروں کا پروگرام ترتیب دیا ہے، وزیراعظم چاہتے ہیں پنجاب میں تبدیلی آئے اور حکومت کا کام نظر آئے، وزیراعظم عمران خان نے کہا کہ عوامی خدمت کوفوکس کیا جائے ،تحریک انصاف کی حکومت عوامی فلاح کیلئے پرعزم ہے، اس ضمن میں پنجاب میں بڑے پیمانے پر تبادلے بھی کئے گئے ہیں.
