دکھی انسانیت کی خدمت میں عثمان بزدار بازی لے گئے

باغی ٹی وی کی رپورٹ کے مطابق وزیراعلیٰ پنجاب سردار عثمان بزدار کی ہدایت پرلیورٹرانسپلانٹ، بون میرواور دیگر امراض میں مبتلا 10 مریضوں کے علاج معالجے کیلئے2 کروڑ 10 لاکھ28ہزار روپے سے زائد کے فنڈزجاری کر دئیے گئے ہیں۔

ہاؤسنگ کالونی ضلع ننکانہ صاحب کی رہائشی بشریٰ شہزادی کے لیورٹرانسپلانٹ کیلئے 26لاکھ8ہزارروپے کے فنڈزفراہم کیے گئے ہیں۔جگر کی بیماری میں مبتلا بشریٰ شہزادی شیخ زید ہسپتال لاہورمیں زیر علاج ہے۔برکت ٹاؤن مین جی ٹی روڈ اڈا شبیل لاہور کے رہائشی امجد جاوید کے لیورٹرانسپلانٹ کیلئے 21لاکھ60ہزارروپے کے فنڈز کا اجراء کیاگیاہے۔جگر کے مرض میں مبتلاامجد جاوید شیخ زید ہسپتال لاہور میں زیر علاج ہے۔محلہ فرید گنج فیصل آباد کی رہائشی شائستہ بی بی کے بون میرو ٹرانسپلانٹ کیلئے 35لاکھ روپے کے فنڈز مہیا کیے گئے ہیں – شائستہ بی بی آرمڈفورسز بون میرو ٹرانسپلانٹ سنٹر راولپنڈی میں زیر علاج ہے-

بند روڈ نئی سبزی منڈی جھنگ صدرکے رہائشی محمد عثمان کے بون میروٹرانسپلانٹ کیلئے 20لاکھ روپے کے فنڈزجاری کیے گئے ہیں۔نیو سٹی ملتان کے رہائشی حافظ معاذکے بون میرو ٹرانسپلانٹ کیلئے 34لاکھ روپے کے فنڈزکااجراء کیا گیا ہے- حافظ معاذ نیشنل انسٹی ٹیوٹ آف بلڈ ڈیزیزاینڈ بون میرو ٹرانسپلانٹیشن کراچی میں زیرعلاج ہے-تونسہ کے رہائشی راشد نور کے بچوں عجوہ خان اور محمد احمد کے علاج معالجے کیلئے 24لاکھ روپے کے فنڈز فراہم کئے گئے-

”کشمیر بنے گا پاکستان” کا نعرہ جلد حقیقت بننے والا ہے۔ چودھری پرویز الہیٰ کا یوم دفاع پر پیغام

سپیکر پنجاب اسمبلی چودھری پرویزالٰہی کا ملتان کے صحا فیوں کے لیے ایک اور بڑا قدم

کلفٹن کالونی وحدت روڈ لاہور کے رہائشی واصف ریاض کے علاج کیلئے 20لاکھ 60 ہزارروپے کے فنڈز مہیا کئے گئے-محلہ بنی فارسٹ آفس راولپنڈی کی رہائشی تسلیم علی کے کینسر کے علاج معالجے کیلئے 18 لاکھ روپے کے فنڈز جاری کئے گئے ہیں -محلہ جاندی حویلی لکھا تحصیل دیپالپور اوکاڑہ کے رہائشی محمد انس کے کینسر کے علاج معالجے کے لئے 11لاکھ روپے کے فنڈز کا اجراء کیا گیا ہے-

وزیراعلیٰ نے کہا کہ مستحق مریضوں کے علاج معالجہ کیلئے فنڈز مہیا کرنا کوئی احسان نہیں بلکہ میری ذمہ داری بھی ہے اور فرض بھی-دکھی انسانیت کی خدمت کر کے جو سکون ملتا ہے اس کا اندازہ کوئی دوسرا نہیں کرسکتا-دکھی انسانیت کا دکھ بانٹنے والے دنیا کے ساتھ آخرت میں سرخرو ہوتے ہیں -حکومتی وسائل پر عام آدمی کا پورا حق ہے اورہماری حکومت یہ حق عام آدمی کو واپس کر رہی ہے-جب تک اللہ تعالیٰ نے منصب دیا ہے،دکھی انسانیت کے دکھ بانٹتا رہوں گا