تلہ گنگ شہر کو مسائل سے پاک کروں‌گا -اسسٹنٹ کمشنر سید منور عباس بخاری

تلہ گنگ (عمران رسول) تلہ گنگ شہر کو مسائل سے پا ک کروں گا ،صحافی اور سول سوسائٹی انتظامیہ کا ساتھ دیں ،عطائیوں کیخلاف سخت کاروائی عمل میں لائی جا ئے گی

،پولیومہم میں تمام افراد اپنا بھرپور رول ادا کریں ،والدین بچوں کو پولیو کے قطرے لازمی پلائیں ۔ان خیالا ت کا اظہارنئے تعینات ہونے والے اسسٹنٹ کمشنر سید منور عباس بخاری نے صحافیوں سے تعارفی ملاقات میں گفتگو کر تے ہو ئے کیا ۔انہو ں نے ویڈیو پیغام کے ذریعے آگاہ کیا ہے کہ پنجاب حکومت کی جانب سے 16دسمبر سے 18دسمبر تک پولیو مہم جاری رہے گی جسمیں پانچ سال تک کے بچے کو دو قطرے پولیو ویکسین کے پلائیں جائیں گے اور اس دفعہ پنجاب حکومت کی جانب سے چھ ماہ سے پانچ سال کے بچوں کو وٹامن اے کے قطرے بھی پلائیں جا ئیں گے ، والدین اپنے بچوں کو پولیو کے قطرے لازمی پلائیں تا کہ ہم اپنے پھولوں کو اس موذی مرض سے بچا سکیں ۔اے سی سید منور عباس بخاری کا مزید کہنا تھا کہ تحصیل تلہ گنگ کو عطائیوں سے پاک کرنا ہے جو بھی انسانی جانوں کیساتھ کھیل رہے ہیں انکو قانون کی گرفت میں لائیں گے تلہ گنگ شہر کی بہتری کیلئے عوام اور صحافی برادری تعاون کر ے ۔