باغ جناح میں درخت گرنے سے پانچ سالہ بچی جاں بحق
![](https://baaghitv.com/wp-content/uploads/2019/06/WhatsApp-Image-2019-06-22-at-9.50.19-AM.jpeg)
صوبائی دارلحکومت لاہور میں پارک میں کھیلنے والی بچی درخت گرنے سے جاں بحق ہو گئی، پارک میں موجود دیگر افراد نے بھاگ کر جان بچائی
کمسن گھریلو ملازمہ پر تشدد کا ایک اور واقعہ
باغی ٹی وی کی رپورٹ کے مطابق لاہور کے معرور پارک باغ جناح میں درخت گرنے سے پانچ سالہ بچی جاں بحق ہو گئی، درخت گرنے کے باعث موقع پر موجود دیگر افراد نے بھاگ کر جان بچائی، نیو چوبرجی کی رہائشی پانچ سالہ حمنا اپنے والدین کے ہمراہ پار ک گئی تھی اور اچانک درخت گرنے کے باعث جاں بحق ہو گئی .
لاہور میں خاتون کو قتل کرنیکے بعد اس کی نعش کیسے گھر پہنچائی گئی؟
واضح رہے کہ باغ جناح لاہورمیں ایک تاریخی باغ ہے۔ یہ اس سے پہلے لارنس گارڈن یا لارنس باغ کہلایا کرتا تھا۔ جناح باغ جو 141 ایکڑ کے رقبے پر قائم ہے اس سے پہلے لاہور کے چڑیا گھر میں شامل تھا۔ اب یہاں صرف نباتاتی وسائل ہی دستیاب ہیں۔ یہ پاکستان کے چند انتہائی اہم اور خوبصورت ترین نباتاتی باغات میں شمار کیا جاتا ہے۔ اس باغ میں تقریباً 150 مختلف اقسام کے درخت، 140 اقسام کی جھاڑیاں، 50 قسم کی بیلیں، 30 قسموں کے یک سمتی درخت اور 100 مختلف قسم کے سرسبز پودوں کی اقسام ہیں۔
باغ جناح کی دیکھ بھال کے لئے عملہ بھی موجود ہے لیکن درختوں کے حوالہ سے کبھی کسی نے غور نہیں کیا کہ کونسے درخت کی حالت خطرناک ہے یہ کسی آندھی ،طوفان میں گر سکتا ہے کسی بھی حادثے سے بچنے کے لئے ایسے درخت کو کاٹ دیا جائے، پانچ سالہ حمنا کے درخت گرنے سے موت کا ذمہ دار کون ہے؟