روپیہ ڈالر کے مقابلے میں مزید تکڑا ہونے لگا
باغی ٹی وی رپورٹ کے مطابق مارکیٹ میں روپے کی قدر میں اتار چڑھاؤ دیکھا گیا، اسٹیٹ بینک کے مطابق انٹر بینک مارکیٹ میں کاروبار کے اختتام پر ڈالر کی قدر 5 پیسے کی کمی سے 154 روپے 95 پیسے رہ گئی، تاہم یورو کی قدر 13 پیسے بڑھ کر 172 روپے 66 پیسے ہو گئی جبکہ برطانوی پاؤنڈ کی قدر 2 روپے 85 پیسے کم کر 204 روپے 32 پیسے رہ گئی،۔
ایکس چینج کمپنیز ایسوسی ایشن کے مطابق اوپن مارکیٹ میں ڈالر کی قیمت فروخت 154 روپے 70 پیسے اور یورو کی قیمت فروخت 172 روپے 50 پیسے برقرار رہی جبکہ برطانوی پاؤنڈ کی قیمت فروخت 1 روپے 50 پیسے کی کمی سے 205 روپے رہ گئی۔
واضحرہے کہ یکم نومبر کو ڈالر کی قیمت 1556.10 تھی اور 30 دسمبر تک 20 پیسے کمی کے ساتھ 155.90 پر آگئی تھی۔واضح رہےگزشتہ چار ماہ کے دوران 155.50 روپے ڈالر کی نچلی ترین سطح ہے۔2019 میں بھی ڈالر کی قیمت میں روپے کے مقابلے میں پیش رفت جاری رہی۔ جنوری میں ڈالر 138 روپے93 پیسے، فروری میں 138 روپے 90 پیسے اور مارچ میں 139 روپے10 پیسے پر ٹریڈ کررہا تھا۔
اپریل 2019 میں ڈالر چھلانگ لگا کر 141 روپے 50پیسے پر آگیا۔ مئی میں 151 روپے اور جون میں تاریخ کی بلند ترین سطح 164روپے پر پہنچ گیا. اب تسلسل کے ساتھ روپیہ مستحکم ہو رہا ہے
