سانحہ پی آئی سی، عدالت نے ڈاکٹرز،وکلاء تنازع ختم کروانے کے لئے بڑا فیصلہ دے دیا
باغی ٹی وی کی رپورٹ کے مطابق لاہورہائیکورٹ میں گرفتاروکلا کی رہائی اور گھروں پر چھاپوں کےخلاف کیس کی سماعت ہوئی،عدالت نے وکلا اورڈاکٹرز تنازعہ کے حل کیلئے8رکنی کمیٹی تشکیل دے دی،8رکنی کمیٹی میں 4وکلا اور 4ڈاکٹرز کے نمائندے شامل ہوں گے، وکلا میں لاہور بار کے حفیظ الرحمان،شاہ نوازاسماعیل،اصغرگل اور مسعود چشتی شامل ہیں،8رکنی کمیٹی مذاکرات کرکے سفارشات عدالت میں پیش کرے گی،عدالت 8 رکنی کمیٹی کی سفارشات کی روشنی میں فیصلہ کرے گی.
قبل ازیں لاہور ہائیکورٹ نے پی آئی سی حملہ کیس میں بے قصور وکلا کے خلاف کارروائی نہ کرنے کا حکم دے دیا۔ عدالت نے کہا جس آدمی نے یہ گناہ کیا اس کو اس کا سامنا کرنا پڑے گا۔پی آئی سی حملہ کیس میں وکلا کیخلاف مقدمات خارج کرنے کی درخواستوں پر سماعت ہوئی، چیف سیکرٹری ہوم، آئی جی پنجاب، ایڈووکیٹ جنرل عدالت میں پیش ہوئے۔ احسن بھون ایڈووکیٹ نے عدالت کو بتایا کہ گرفتار وکلا کو تشدد کا نشانہ بنایا گیا، وکلا کے چہروں پر نقاب چڑھا کر پیش کیا گیا، ریس کورس پارک میں بیٹھے وکلا کو گرفتار کر کے تشدد کیا گیا، عوام الناس سے بھی معافی مانگی ہے۔
سانحہ پی آئی سی، کتنے وکلاء پر مقدمات درج ہو گئے؟ اور کیا دفعات شامل کی گئیں؟ اہم خبر
الٹا چور کوتوال کو ڈانٹے،وکلاء کی ہڑتال،سائلین خوار،گرفتاریوں کے لئے ٹیمیں تشکیل
سانحہ پی آئی سی، وزیراعلیٰ پنجاب عثما ن بزدار کی طلبی ہو گئی
سانحہ پی آئی سی، نقصان کی ابتدائی رپورٹ جاری،کتنے کروڑ کا نقصان ہوا؟
آئی جی پنجاب نے عدالت میں کہا کہ پورے اسپتال میں سی سی ٹی وی فوٹیج موجود نہیں،جو افراد موقع سے پکڑے گئے صرف ان کےخلاف کارروائی کی ،عدالت نے کہا کہ جس نے کیا اسے خمیازہ بھگتنا چاہئے جس نے نہیں کیا اسے کیوں تنگ کیا گیا؟وکلا6 میل کا فاصلہ طے کر کے گئے جوایکشن پی آئی سی میں کیا وہ پہلے کیوں نہیں کیا گیا؟ جس پر آئی جی پنجاب نے کہا کہ پولیس نےجگہ جگہ روکنےکی کوشش کی اوراس دوران وکلابھی پرامن رہے،
وزیراعظم کا بھانجا مقدمہ میں نامزد، گرفتاری کے لئے کتنے چھاپے مارے گئے؟
عدالت نے کہا کہ کیاپی آئی سی کے سامنے پولیس نے جانے کی اجازت دی تھی ؟ جس پر آئی جی پنجاب نے کہا کہ پولیس نے ایسی کوئی اجازت نہیں دی، عدالت نے کہا کہ توپھرپولیس نے وکلا کواسپتال جا کراحتجاج کرنے سے کیوں نہیں روکا؟دل کے مریضوں کے سامنے تواونچی آوازاوراونچی سانس بھی نہیں لی جاسکتی،پی آئی سی معاملے پرپولیس اپنی ناکامی تسلیم کرے،
سانحہ پی آئی سی،وکلاء نے حملہ کیوں کیا؟ عدالت میں ایسا انکشاف سامنے آیا کہ جج بھی دنگ رہ گئے
ایڈوکیٹ جنرل نے کہا کہ پولیس نے وکلا کومنتشرکرنے کیلئے آنسوگیس چلائی،جس پر عدالت نے کہا کہ وکلانے اسپتال پرحملہ کر کے اورپولیس نے آنسو گیس چلا کر قوم پرکیا احسان کیا؟ کیاوہاں آنسوگیس چلانی چاہیےتھی؟کتنے افراد اس واقعہ میں جاں بحق ہوئے؟ ہوم سیکرٹری نے عدالت کو بتایا کہ 3افرادجاں بحق ہوئے،لواحقین کو10لاکھ روپے فی کس دیئے گئے ،جس پر عدالت نے کہا کہ دس لاکھ بہت کم ہیں آج کےدور میں اتنے پیسوں کا کیا بنتا ہے؟
