ن لیگی رہنما کی ضمانت کی نیب نے عدالت میں کی مخالفت، کہا ضمانت کے حقدار نہیں
باغی ٹی وی کی رپورٹ کے مطابق ایل این جی کیس میں نیب نےاسلام آباد ہائیکورٹ میں جواب جمع کرادیا، نیب کے عدالت میں جمع کرایاگیاجواب 390 صفحات پرمشتمل ہے، نیب نے مفتاح اسماعیل کی درخواست ضمانت مسترد کرنےکی استدعا کر دی، نیب نے اپنے جواب میں کہا کہ مفتاح اسماعیل ضمانت کےحق دارنہیں،
واضح رہے کہ ایل این جی کیس میں نیب نے شاہد خاقان عباسی اور مفتاح اسماعیل کو گرفتار کر رکھا ہے وہ جوڈیشل ریمانڈ پر ہیں، مفتاح اسماعیل نے عدالت میں ضمانت کی درخواست دائر کر رکھی ہے جس پر عدالت نے نیب کو نوٹس جاری کرتے ہوئے جواب طلب کیا تھا، نیب نے آج جواب جمع کروا دیا ہے.
نیب راولپنڈی نے احتساب عدالت اسلام آباد میں ایل این جی کیس کاریفرنس دائر کر دیا،ریفرنس شاہد خاقان عباسی اورمفتاح اسماعیل سمیت 9ملزمان کے خلاف دائر کیا گیا،
ریفرنس میں کہا گیا کہ ایک کمپنی کو 21ارب روپے سے زائد کا فائدہ پہنچایا گیا،فائدہ مارچ 2015سے ستمبر 2019 تک پہنچایا گیا، فائدہ پہنچانے سے 2029 تک قومی خزانے کو 47 ارب روپے کا نقصان ہو گا،معاہدے کے باعث عوام پر گیس بل کی مد میں 68ارب روپے سے زائد کا بوجھ پڑے گا،سابق ایم ڈی شیخ عمران الحق نے معاہدے میں اہم کردار ادا کیا،
حکومت اس مسئلے کو فوری حل کرے ورنہ…..شاہد خاقان عباسی نے کیا کہہ دیا
سابق وزیرخزانہ مفتاح اسماعیل کا نام بھی ملزمان کی فہرست میں شامل ہے،نیب ریفرنس کے مطابق سابق سیکریٹری اورایم ڈی پٹرولیم اہم گواہ بن گئے، شاہدخاقان سمیت 9 ملزمان کے نام ای سی ایل میں شامل ہیں، نیب راولپنڈی قطرمعاہدے کی الگ انکوائری کررہا ہے
واضح رہے کہ شاہد خاقان عباسی کے خلاف دائر ریفرنس کی منظوری چیئرمین نیب جسٹس ر جاوید اقبال نے دی جس کے بعد ریفرنس عدالت میں دائر کر دیا گیا ہے،
