وزیرا عظم نے خواجہ سراؤں کو اہم سہولت سے بہرہ ور کر دیا

وزیرا عظم نے خواجہ سراؤں کو اہم سہولت سے بہرہ ور کر دیا

باغی ٹی وی رپورٹ کے مطابق وزیراعظم عمران خان نے کہا ہے کہ خواجہ سراؤں کا طبقہ بہت مشکلات کا شکار ہے، حکومت نے ان کی ذمہ داری لینے اور انہیں اپنانے کا فیصلہ کیا ہے۔

خواجہ سراؤں میں صحت کارڈ تقسیم کرنے کی تقریب سے خطاب کرتے ہوئے ان کا کہنا تھا کہ گزشتہ حکومتوں نے خواجہ سراؤں کے لیے کام نہیں کیا، اس طبقے کو مکمل تحفظ فراہم کریں گے۔انہوں نے کہا کہ غریب لوگوں کے لیے اپنا علاج کرانا بہت مشکل ہے، صحت کارڈ کے ذریعے یہ مسئلہ حل ہو جائے گا۔

وزیراعظم نے کہا کہ 2019 کے دوران معاشی حالات بہت خراب تھے البتہ 2020 ترقی کا سال ہے، پوری کوشش ہے کہ نئے سال میں نوکریاں پیدا کی جائیں۔ان کا کہنا تھا کہ غریب گھرانوں کے لیے راشن کارڈ بھی شروع کریں گے، مزید لنگر خانے بھی کھولیں گے۔عمران خان نے کمزور طبقوں کو اوپر اٹھانے کا اعلان کرتے ہوئے کہا کہ حکومت احساس پروگرام کو پورے ملک میں پھیلائے گی، نوجوان طبقے کے لیے مزید قرضے دیں گے۔
واضح‌رہے کہ اس سے پہلے صحت انصاف کارڈ ملک بھر یں لاکھوں افراد میں تقسیم کیے جاچکے ہیں. اس کارڈ سے ابتدائی طور پر 3 لاکھ روپے تک تمام امراض کا علاج کروایا جاسکتا ہے تاہم کسی بڑے مرض کی صورت میں صحت انصاف کارڈ کو 7 لاکھ 20 ہزار روپے تک علاج کروایا جاسکے گا۔ وزیراعظم کے اس فیصلے کو خوش آئند قرار دیتے ہوئے کہا جارہا ہے کہ یہ صحت کے شعبے میں بڑی تبدیلی رونما کرے گا.