نان رجسٹرڈ گاڑیوں کا چالان نہیں ہوگا، ٹریفک پولیس کا اعلان

ابوظبی: نان رجسٹرڈ گاڑیوں کا چالان نہیں ہوگا، ٹریفک پولیس کا اعلان،اطلاعات کےمطابق محکمہ میونسپلٹی اور ٹرانسپورٹ (ڈی ایم ٹی) نے اعلان کیا ہے کہ دو جنوری سے نان رجسٹرڈ گاڑیوں کو بڑا ریلیف دیا جائے گا۔

ذرائع کےمطابق عرب امارات حکومت کی طرف سے یہ رعایت دی گئی ہے، ادھر ابوظبی کے ٹول پلازہ کے دروازے پر نصب ٹریفک سسٹم نان رجسٹرڈ گاڑیوں کا چالان کرتا تھا البتہ محکمے نے اب خوش خبری سنائی کہ ایسا نہیں ہوگا اور یہ چھوٹ تین مہینے تک رہے گی۔

محکمے کی جانب سے جاری ہونے والے اعلامیے میں کہا گیا ہے کہ ’دو جنوری سے نان رجسٹرڈ گاڑیوں کا ٹول گیٹ پر کسی قسم کا کوئی جرمانے کے چالان نہیں کاٹے جائیں گے‘۔

حکومت کی جانب سے یہ چھوٹ اس لیے دی گئی تاکہ مالکان اپنی گاڑیوں کو رجسٹرڈ کروائیں ، مقررہ تاریخ گزر جانے کے بعد ڈرائیورز پر نہ صرف بھاری جرمانے عائد کیے جائیں گے بلکہ اُن کی گاڑیاں بھی ضبط کی جائیں گی۔