دنیا کو اپنی منفرد اداکاری سے ہنسانے والے ہالی ووڈ کے معروف اور مقبول ترین اداکار روون ایٹکنسن مسٹر بین آج 66 برس کے ہو گئے
مسٹر بین 6جنوری1955 کو انگلش کاؤنٹی ڈرہم میں پیدا ہوئے اور اپنے کیریئر کا آغازبرطانیہ کے ریڈیو پروگرام’دی ایٹکنسن پیوپل ‘سے کیا اس کے بعد انہوں نے بی بی سی سے ہی ایک کامیڈی شو’ناٹ دی نائن او کلاک نیوز پیش کیا
1990میں انہوں نے ’دی ہیلپ لیس مسٹر بین ‘کا پہلا کامیڈی شو پیش کیا جبکہ انہوں نے ’مسٹر بین‘کے بہت سے سیکوئیلز پیش کیے جو کہ عوام میں بہت مقبول ہوئے اور شا ئقین نے ان کی اداکاری کو بے حد پسند کیا
1997 میں مسٹر بین شو کے کردار کو لے کرڈائریکٹر میل اسمتھ نے فلم بنائی جسکا نام ہی ’مسٹر بین ‘رکھا گیا جبکہ 2007 میں اسی سلسلے کی دوسری فلم’مسٹر بین ہالی ڈے ‘کے نام سے بنائی گئی 1995 اور 1997کے درمیان روون ایٹکنسن ایک مقبول ٹیلی ویڑن سیریز’دی تھن بلیو لائن‘میں بھی جلوہ گر ہوئےجس میں انہوں نے ایک پولیس انسپکٹر کا کردار ادا کیا تھا ان سیریلیز میں ان کی سنجیدہ اداکاری کوبھی بہت سراہا گیا اور شائقین کی طرف سے اس کردار پر بھی بے حد پذیرائی ملی
2003 میں انہوں نے جیمز بونڈ سیریز کی پیروڈی فلم ”جونی انگلش“ میں بھی کام کیا جس کا سیکوئل جونی انگلش ری بورن کے نام سے 7اکتوبر 2007کو ریلیز ہوا جب کہ انہوں نے فلم ’ جونی انگلش3‘ بھی اپنی اداکاری کے جوہر دکھائے
ان کو مسٹر بین سیکوئیلز سے شہرت اور کامیابی ملی ان کا یہ کردار بچوں بڑوں میں یکساں طور پر مقبول ہوا 9نومبر 2012کو روون نے مشہور زمانہ مسٹربین کے کردار کو خیر باد کہنے کا فیصلہ کیا
