ہانیہ کے بعد ایک اور معروف شخصیت نے فہد مصطفی کو مایوس کردیا

ہانیہ عامرکے بعد اب معروف اداکار یاسر حسین نے ٹک ٹاک ویڈیو بنا کر اداکار و میزبان فہد مصطفیٰ کو مایوس کرنے کا ارادہ کر لیا ہے

گزشتہ روز معروف اداکار یاسر حسین نے سماجی رابطے کی ویب سائٹ انسٹاگرام پر اپنی ایک ٹِک ٹاک ویڈیو شیئر کی جس میں وہ اپنی اہلیہ اقرا عزیز حسین کے ہمراہ بالی ووڈ گانے ’ناگِن ناگِن ‘ پر ڈانس اور اداکاری کرتے ہوئے دکھائی رہے ہیں

اداکار یاسر حسین نے اپنی ٹِک ٹاک ویڈیو شیئرکر تے ہوئے کیپشن میں مزاحیہ انداز میں لکھا کہ ’فہد بھائی معاف کیجیے گا دراصل یہ بہت زیادہ ہوگیا ہے

یاسر حسین کی ٹِک ٹاک ویڈیو پر اداکارہ ہانیہ عامر نے بھی مزاحیہ کمنٹ کیا

ہانیہ عامر کے کمنٹ پر یاسر حسین نے اُن کو جواب دیتے ہوئے لکھا کہ تیری ہی لگائی ہوئی آگ ہے یہ ناگن

جبکہ دوسری جانب اداکارہ اقرا عزیز حسین نے بھی اپنے انسٹاگرام پر اپنی ایک ٹِک ٹاک ویڈیو شیئر کی جس میں وہ اپنے شوہر یاسرحسین کے ہمراہ بالی ووڈ کی معروف اداکارہ سری دیوی کے گانے تیرے میرے ہونٹوں پر میٹھے میٹھے گیت مِتوا پر اداکاری کر رہی ہیں

اقرا عزیز نے اپنی ٹِک ٹاک ویڈیو کے کیپشن میں ہیش ٹیگس ’سری دیوی فینز‘ استعمال کیا ہے

واضح رہے فہد مصطفیٰ نے ٹک ٹاک کی وجہ سے سیالکوٹ میں طالبعلم کی موت کے بعد سماجی رابطے کی ویب سائٹ ٹوئٹر پر اپنے ٹوئٹ میں والدین کو مخاطب کرتے ہوئے لکھا تھا کہ ’خُدارا اپنے بچو ں کو ٹِک ٹاک سے دور رکھیں کیونکہ یہ صحت مند سرگرمی نہیں ہے پوری قوم کچھ خاص کام کرنے میں مصروف نہیں ہے

اس کے جوب میں اداکارہ ہانیہ عامر نے اپنی انسٹاگرام اسٹوری میں ایک ویڈیو شیئر کی تھی جس میں اُنہوں نے کہا تھا کہ اُنہوں نے نئے سال کا عہد کیا ہے وہ ٹِک ٹاک ویڈیوز بنائیں گی اور اداکار و میزبان فہد مصطفیٰ کو مایوس کریں گی

اب ہانیہ کے دعب یاسر حسین نے ٹک ٹاک ویڈیو بناکر شیئر کرتے ہوئے فہد مصطفی کو مذاق کا نشانہ بنایا ہے