اسلام آباد:بریکنگ نیوز: بیرسٹر فروغ نسیم کو گورنر سندھ بناۓ جانے کا امکان! باخبر ذرائع سے معلوم ہوا کہ سپریم کورٹ میں آرمی چیف کی تعنیاتی سے متعلق فیصلے پر نظر ثانی کی درخواست پر فیصلہ آنے کے بعد، طاقت کے مرکزی حلقوں نے بیرسٹر فروغ نسیم کو، عمران اسمعیل کی جگہ، گورنر سندھ مقررکرنے کا فیصلہ کرلیا ہے!
باغی ٹی وی کےمطابق فروغ نسیم کو گورنرسندھ بنانے کا فیصلہ اس لیے کیا جارہا ہے کہ جو کردارعشرت العباد نے مشرف اور اسکے بعد پی.پی اورنواز شریف کے ادوارمیں بطور گورنرادا کیا تھا، اب وہی کردار فروغ نسیم کو ایک لمبےعرصے کے لیے دیا جائیگا!
خیال کیا جا رہا ہے کہ فروغ نسیم کو قانونی امور پرگرفت حاصل ہے، لہذا وہ مرکزی حکومت کی اتحادی جماعتوں اوراپوزیشن کے درمیان پُل کا کردار ادا کریں گے! اسطرح، پی.ٹی.آئ کی سندھ میں بڑی اتحادی, متحدہ قومی موومنٹ کی شکایات کا بھی ازالہ ہوسکے گا. اور مزید یہ کہ فروغ نسیم، سابق صدر، پرویزمشرف کے حوالے سے ہونے والے فیصلوں اورمعاملات کو بھی بہتر انداز سے نبٹا سکتے ہیں
