جرمنی کے لیجنڈ ٹینس کھلاڑی بورس بیکر کا قرض اتارنے کیلئے قیمتی ٹرافیاں نیلام کرنے کا فیصلہ

جرمنی کے مشہور ٹینس کھلاڑی بورس بیکر نے اپنا قرض اتارنے کیلئے قیمتی ٹرافیوں‌ کو نیلام کرنے کا فیصلہ کیا ہے.

باغی ٹی وی کی رپورٹ‌ کے مطابق ٹرافیوں کی نیلامی آن لائن کی جائے گی. بورس بیکر کو اپنے دور کو عظیم کھلاڑی سمجھا جاتا ہے جنہوں‌ نے صرف سترہ برس کی عمر میں‌ ہی کامیابی کے جھنڈے گاڑے اور کم عمری میں‌ ہی تین گرینڈ سلیم جیت لئے تھے.

بورس بیکر کی جانب سے کہا گیا ہے کہ انہوں نے یہ ٹرافیاں بہت محنت سے حاصل کیں‌ تاہم اب وہ اپنے میڈل، کپ، گھڑیاں اور تصویر سمیت کل 82 اشیاء کی نیلامی کر رہے ہیں‌ جو 11 جولائی تک جاری رہے گی.

واضح‌ رہے کہ نیلامی کیلئے تمامتر تفصیلات نیلامی کمپنی نے اپنی ویب سائٹ پر بھی جاری کر دی ہیں. بورس بیکر پر لاکھوں‌ پاؤنڈ کا قرض ہے جس کی ادائیگی کیلئے انہوں‌ نے یہ تلخ فیصلہ کیا ہے.