نئی دہلی :مواصلاتی سیٹلائٹ جی سیٹ 30 کا تجربہ ، بھارت نے کامیابی کا اعلان کردیا ،اطلاعات کےمطابق ہندوستان کے جدید ترین مواصلاتی سیٹلائٹ جی سیٹ 30 کا آج صبح فرنچ گویانا کے کورو واقع تجربہ گاہ سے کامیاب تجربہ کیا گیا۔
ہندوستانی خلائی تحقیقی ادارے (اسرو) کا کہنا ہے کہ جی سیٹ 30 کو ہندوستانی وقت کے مطابق آدھی رات 2 بجکر 35 منٹ پر ایرین 5۔ وی ٹی 251 لانچ وہیکل سے لانچ کیا گیا۔ 38 منٹ 25 سیکنڈ کے بعد اسے پہلے سے طے شدہ الیپٹیل آربٹ میں قائم کیا گیا۔ اسرو کا کہنا ہے کہ3357 کلو گرام رپیٹ کلو گرام وزن والا یہ سیٹلائٹ ملک کی مواصلات ٹیکنالوجی میں انقلاب لائے گا۔
اسرو کے صدر ڈاکٹر کے شیون نے بتایا کہ یہ کئی فریکوئنسی میں کام کرنے کے قابل ہے۔یہ بھی اطلاعات ہیں کہ سیٹلائٹ ابھی تک رابطہ نہیں ہورہا تاہم اس بات کی تصدیق ابھی نہیں ہوسکی ، لیکن بھارتی خاموشی ضرور کچھ نہ کچھ اشارے دے رہی ہےکہ اس تجربے سے 100 فیصد کامیابی حاصل نہیں ہوسکی
