لندن نہیں جاؤں گا کی کاسٹ میں ایک اور اداکار شامل

پاکستان کے نامور ہدایت کار ندیم بیگ کی زیر تکمیل فلم ‘لندن نہیں جاؤں گا’ کی کاسٹ میں اب ایک اور اداکار اداکار گوہر رشید شامل ہوچکے ہیں

گوہر رشید اس کے علاوہ رواں سال دو فلموں ‘دی لیجنڈز آف مولا جٹ’ اور ‘منی بیک گارنٹی’ میں بھی کام کرتے نظر آئیں گے

اداکار نے فلم میں اپنے کردار کے بارے میں بات کرتے ہوئے بتایا کہ میں اب اپنے کیریئر میں کامیڈی اداکاری کرنے کی بھی کوشش کررہا ہوں فلم میں میرا کردار ہمایوں سعید کے کردار کا بہترین دوست بنے گا میرے کردار کی کوشش ہوگی کہ جو بھی اس کا بہترین دوست کرنا چاہے وہ کام فوری ہوجائے

اداکار کے مطابق ان کا کردار با لی وڈ فلم سنجے دت کے کردار ‘منا بھائی ایم بی بی ایس’ میں موجود ارشد وارثی کے ‘سرکٹ’ کے کردار جیسا ہوگا فلم کے حوالے سے کہا کہ یہ ایک ایسی فلم ہوگی جسے پوری فیملی ساتھ بیٹھ کر دیکھ سکے اور محظوظ ہوگی

گوہر رشید نے مزید بتایا کہ ‘کبریٰ اور میں ایک دوسرے کے بہت اچھے دوست ہیں اور دونوں ایک ساتھ پہلی بار کام کرتے نظر آئیں گے اور ہم دونوں ہی بہت پرجوش بھی ہیں

واضح رہے کہ فلم ‘لندن نہیں جاؤں گا’ کی کاسٹ میں ہمایوں سعید کے علاوہ مہوش حیات اور کبریٰ خان بھی شامل ہیں جبکہ فلم کی شوٹنگ کا آغاز رواں سال فروری میں ہوگا

فلم ‘لندن نہیں جاؤں گا’ کا اسکرپٹ خلیل الرحمٰن قمر نے تحریر کیا اس فلم کی ہدایات ندیم بیگ دیں گے جبکہ پروڈکشن ہمایوں سعید کی کمپنی ‘سکس سگما’ کرے گی فلم رواں سال عیدالضحیٰ کے موقع پر نمائش کے لیے پیش کی جائے گی

یاد رہے کہ ‘لندن نہیں جاؤں گا’ 2017 کی کامیاب فلم ‘پنجاب نہیں جاؤں گی’ کا سیکوئل ہے