پاکستان:بنگلہ دیش کرکٹ سیریز، کنٹرول روم اورفیلڈ ہسپتال قائم

لاہور:پاکستان:بنگلہ دیش کرکٹ سیریز، کنٹرول روم اورفیلڈ ہسپتال قائم ،اطلاعات کےمطابق پاکستان اور بنگلہ دیش کے درميان ٹی ٹوينٹی کرکٹ سیریز کے سلسلے ميں سی سی ٹی وی کنٹرول روم اور عارضی ہسپتال قائم کرديا گيا ۔

نشترپارک سپورٹس کمپلیکس میں نصب ايک سو پچاس سی سی ٹی وی کیمروں کو آپريشنل کرديا گيا ہے جس کی مدد سے ہر شخص کی نگرانی کی جائے گی، نشتر پارک سپورٹس کمپلیکس کا کونہ کونہ سی سی ٹی وی کی نظر میں ہوگا۔

نيشنل ہاکی سٹيڈيم ميں قائم کيے جانے والے بيس بيڈ کے عارضی ہسپتال میں ڈاکٹرز اور پیرامیڈیکل سٹاف ۔ کسی بھی ہنگامی صورتحال میں فوری طور پر طبی امداد فراہم کر سکے گا ہسپتال ميں ای سی جی مشین اور دیگر ٹیسٹ کی مشینیں بھی نصب کی گئی ہیں۔ پاکستان اور بنگلہ ديش کے درميان پہلا ٹی ٹوينٹی ميچ چوبيس جنوری کو کھيلا جاے گا