کراچی:رابی پیرزادہ نے توکمال ہی کردیا،غریب والدین کے بچوں کی تعلیم اورگھرکے اخراجات اپنے ذمہ لینے کا اعلان کردیا،اطلاعات کےمطابق سابق گلوکارہ رابی پیرزادہ نے غریب بچوں کو مفت تعلیم دینے اوران کا خرچ اٹھانے میں مدد کرنے کا بیڑا اٹھایا ہے۔تفصیلات کےمطابق رابی پیرزادہ آج کل کیلی گرافی (خدا کے نام اورقرآنی آیات کی خوشنما تحریریں) بنانے میں مصروف ہیں اورچند روز قبل انہوں نے اپنے کیلی گرافی آرٹ کی نمائش کا اعلان بھی کیاتھا۔
I pays the students family groceries for 500 Rs if they send their boys and 1000Rs if they send their girls for free education. Help these kids by buying calligraphies Inaam
03216775072
ان بچوں کو میں نے پڑھانا ہے۔ مگر چیریٹی کے پیسوں سے نہیں بلکہ اپنی محنت سے۔ یہ بھی پاکستان ہیں pic.twitter.com/aIXvDb9yHp— Rabi Pirzada (@Rabipirzada) January 21, 2020
معروف شخصیت رابی پیرزادہ نے سماجی رابطے کی ویب سائٹ ٹوئٹر پر ایک ویڈیو شیئر کی ہے جس میں چند بچے ان کی کیلی گرافی آرٹ کی تصاویر ہاتھ میں اٹھائے ہوئے ہیں۔ ویڈیو کے ساتھ رابی پیرزادہ نے پیغام لکھا اگر والدین اپنے بچوں کو ان کے پاس تعلیم حاصل کرنے کے لیے بھیجیں تو میں ان کے گھر کا خرچ اٹھانے میں مدد کریں گی۔رابی پیرزادہ کہتی ہیںکہ ’ان بچوں کو میں نے پڑھانا ہے، مگر چیریٹی(خیرات)کے پیسوں سے نہیں بلکہ اپنی محنت سے۔ یہ بھی پاکستان ہیں۔‘‘
رابی نے لکھا اگر لوگ ایک لڑکے کو تعلیم حاصل کرنے کے لیے بھیجتے ہیں تو اس کے بدلے 500 روپے ماہانہ اور اگر اپنی بیٹی کو بھیجیں تو 1000 روپے دوں گی۔رابی پیرزادہ ان بچوں کے گھروالوں کو اپنے بنائے ہوئے کیلی گرافی آرٹ کے پیسوں سے ان کےگھر خرچ کے لیے پیسے اداکریں گی۔ لہذٰا رابی نے تمام لوگوں سے درخواست کرتے ہوئے کہا کہ ان کا کیلی گرافی آرٹ خرید کر ان بچوں کی تعلیم حاصل کرنے میں ان کی مدد کریں۔
