رئیس کے تین سال مکمل ہونے پر ماہرہ اور شارہ رخ نے فلم سے جڑی یادیں شئیر کیں

پاکستانی سپر اسٹار ماہرہ خان اوربالی ووڈ کنگ شاہ رخ خان نے فلم’’رئیس‘‘کے 3 سال مکمل ہونے پر فلم سے جڑی یادیں اپنے مداحوں کے ساتھ سوشل میڈیا ویب سائٹس پر شیئر کی ہیں

3 سال قبل ماہرہ خان نے شاہ رخ خان کے ساتھ فلم’’رئیس‘‘کے ذریعے بالی ووڈ میں ڈیبیو کیا تھا ماہرہ خان پہلی پاکستانی اداکارہ تھیں جنہوں نے بالی ووڈ کے کنگ خان کے ساتھ بھارتی فلم انڈسٹری میں قدم رکھا اوراپنی خوبصورتی اور اداکاری سے دونوں جانب کے لوگوں کو دیوانہ بنادیا

بلا شبہ ’’رئیس‘‘ماہرہ خان کے کیریئر کے لیے بہت مبارک ثابت ہوئی اور اس فلم نے انہیں راتوں رات سپر اسٹار بنادیا گذشتہ روز فلم’’رئیس‘‘کو تین سال مکمل ہوئے ہیں اس موقع پر ماہرہ خان اور شاہ رخ خان دونوں نے سوشل میڈیا پر اس فلم سے جڑی یادوں کو مداحوں کے ساتھ شیئر کیا جبکہ مداحوں نے فلم کے ویڈیو کلپس شئیر کر کے اپنے پسندیدہ سٹارز کی خوشی میں ان کا بھر پور ساتھ دیا اور نیک خواہشات کا اظہار کیا

ماہرہ خان نے فلم کے کا ایک سین جس میں وہ اور شاہ رخ خان ساتھ میں نظر آرہی ہیں انسٹاگرام پر شیئر کیا اس کے علاوہ انہوں نے فلم کی شوٹنگ کے کچھ مناظر بھی شیئر کیے اور شاہ رخ خان کے ساتھ کام کرنے پر خوشی کا اظہار کرتے ہوئے کنگ خان کو نمبر ون قرار دیا
https://www.instagram.com/p/B7veVewB5sN/?igshid=17kx2hcb91njn
ماہرہ خان نے ایک ویڈیو کلپس شئیر کرتے ہوئے کیپشن میں لکھا یہ میرا پرانا پسندیدہ ترین احساس ہے
https://www.instagram.com/p/B7vd6eUBMdb/?igshid=w8yv5dt54s4q
شاہ رخ خان نے بھی سوشل میڈیا ویب سائٹ ٹویٹر پر پر فلم کے تین سال مکمل ہونے پر ایک ویڈیو کلپ شیئر کیا جس میں وہ فلم کا مشہور ڈائیلاگ کوئی دھندہ چھوٹا یا بڑا نہیں ہوتا اور دھندے سے بڑا کوئی دھرم نہیں ہوتا بولتے ہوئے نظر آرہے ہیں

3 yrs of Raees. One of the most fun I had making a film. Thks to cast & crew & my producers. Maybe need to take Raees’ advice myself…soon! pic.twitter.com/D33wZtAimN

— Shah Rukh Khan (@iamsrk) January 25, 2020

ویڈیو کے ساتھ شاہ رخ خان نے لکھا یہ ان میں سے ایک فلم تھی جسے بناتے ہوئے مجھے بے حد مزہ آیا اس کے ساتھ شاہ رخ خان نے فلم کی پوری ٹیم اور پروڈیوسرز کا بھی شکریہ ادا کیا