پاکستان نے کورونا وائرس سے متعلق پاور ٹیکنیکل کمیٹی تشکیل دے دی

پاکستان نے کورونا وائرس سے متعلق پاور ٹیکنیکل کمیٹی تشکیل دے دی۔

ترجمان دفتر خارجہ عائشہ فاروقی نے میڈیا کو بریفنگ دیتے ہوئے کہا کہ چینی حکومت نے کورونا وائرس سے متعلق اقدامات کیے ہیں اور ہم اس مشکل گھڑی میں چین کے ساتھ کھڑے ہیں۔ کورونا وائرس کا مقابلہ کرنے کے لیے تمام اقدامات کریں گے جبکہ ہم چین میں پاکستانیوں کو سہولیات دینے پر بھی چینی حکومت کے مشکور ہیں۔

انہوں نے کہا کہ کورونا وائرس سے متعلق پاور ٹیکنیکل کمیٹی تشکیل دی گئی ہے۔ کورونا وائرس سے متعلق قومی ادارہ صحت نے ایڈوائزری بھی جاری کی ہے اور وائرس سے متعلق حکومت ہر قسم کے اقدامات کرے گی۔

عائشہ فاروقی نے کہا کہ ارومچی میں میں پھنسے پاکستانیوں کو وہاں سے نکالنے کے لیے اقدامات کیے جا رہے ہیں جبکہ چین سے ان کی دیکھ بھال کرنے کی درخواست کر دی ہے۔چین اس سلسے میں پاکستان کے ساتھ مدد کر رہا ہے . جس کے لیے ہم دیرینہ دوست کے شکر گزار ہیں.