نائنٹین سیونٹین نے بہترین فلم اور بہترین ڈائریکٹر کے بافٹا ایوارڈ اپنے نام کرنے میں کامیاب رہی
باغی ٹی وی کی رپورٹ کے مطابق نائنٹین سیونٹین نے بہترین فلم اور بہترین ڈائریکٹر کے بافٹا ایوارڈ اپنے نام کرلئےجبکہ بہترین اداکار کے اعزاز جوکر کے یاکین فونکس کے حصے میں آیا جبکہ رِینی زیل ویگر بہترین اداکارہ کا ایوارڈ جیتنے میں کامیاب رہیں
برٹش اکیڈمی آف فلم اینڈ ٹیلے ویژن آرٹس ایوارڈز کی رنگا رنگ تقریب لندن میں ہوئی ریڈ کارپٹ پر فلم اور ٹی وی کے معروف ستاروں نے جلوے بکھیرے، شہزادہ ولیم اور شہزادی کیٹ بھی ریڈ کارپٹ پر جلوہ افروز ہوئے
جنگ عظیم اول کی کہانی پر مبنی فلم نائنٹین سیونٹین نے دی آئرش مین، جوکر ، ونس اپان اے ٹائم ان ہالی ووڈ اور پیراسائٹ کو شکست دے کر بہترین فلم کا بافٹا ایوارڈ جیتا
نائنٹین سیونٹین کے ڈائریکٹر سام مینڈیز کے حصے میں بہترین ڈائریکٹر کا ایوارڈ آیا
ہترین اداکار کا بافٹا ایوارڈ’جوکر‘ کے یاکین فینکس نے حاصل کیا ان کے مقابلے میں لیونارڈو ڈی کیپریو، ایڈم ڈرائیور، ٹیرون ایگرٹن اور جوناتھن پرائس تھے
بہترین اداکارہ کا ایوارڈ رینی زیل ویگر کو ’جوڈی‘ میں یادگار کردار ادا کرنے پر دیا گیا رینی نے جیسی بکلے ،اسکارلیٹ جوہانسن ، سیوئرس رونن اور چارلیز تھیرون کو شکست دے کر بہترین اداکارہ کا ایوارڈ جیتا
