داکار احسن خان نے مقبول ڈرامہ سیریل ’’الف‘‘ میں کام کرنے کی وجہ بتاتے ہوئے کہا کہ وہ خوش نصیب ہیں کہ انہیں اس ڈرامے کی میں کام کرنے کی پیشکش ہوئی
باغی ٹی وی رپورٹ کے مطابق احسن خان نے ایک چینل کو دیئے گئے انٹرویو میں ڈرامہ سیریل ’’الف‘‘ میں کام کرنے کی وجہ بتاتے ہوئے کہا کہ کچھ اداکار ایسے بھی ہوتے ہیں جنہیں اسکرپٹ کی پیشکش کرنے کے پیچھے کوئی وجہ ہوتی ہے اور وہ ان خوش نصیب افراد میں سے ہیں جنہیں ڈرامہ آفر ہوتا ہے تو اس کے پیچھے کوئی نہ کوئی خاص وجہ ہوتی ہے کیوںکہ وہ اتنا کام نہیں کر رہے کہ انہیں ہر کردار کے لیے کاسٹ کیا جائے
احسن خان نے کہا کہ انہیں ڈرامہ ’الف‘ کے ہدایت کار حسیب حسن کی جانب سے اس ڈرامے کی آفر کی گئی جسے ثناء شاہنواز اور ثمینہ ہمایوں سعید کی پروڈکشن میں نجی چینل جیو ٹی وی سے پیش کیا جارہا ہے
انہوں نے ڈرامے کی رائٹر عمیرہ احمد کی تعریف کرتے ہوئے کہا کہ سچ تو یہ ہے کہ یہ ڈرامہ عمیرہ احمد نے لکھا ہے جوکہ کم لکھتی ہیں اور چند رائٹرز ایسے ہیں جوکہ اچھا لکھتے ہیں اور عمیرہ احمد ان میں سے ایک ہیں جن کے اسکرپٹ پر ہم خود کام کرنے کی خواہش رکھتے ہیں
واضح رہے کہ روحانیت صوفی اور محبت کی داستان پر مبنی ڈرامہ سیریل ’’الف‘‘ میں حمزہ علی عباسی(قلب مومن)، احسن خان(طہ)، سجل علی (مومنہ سلطان )اور کبری خان (حسن جہاں ) ، سلیم معراج (سلطان صاحب ) اور نظر سہبائی (عبدالعلی) مرکزی کردار ادا کر رہے ہیں
