کبڈی ورلڈ کپ کا تیسرا دن ، کون جیتا اورکون ہارا، کھیل کے میدان سے اہم خبریں

لاہور:کبڈی ورلڈ کپ کا تیسرا دن ، کون جیتا اورکون ہارا، کھیل کے میدان سے اہم خبریں ،اطلاعات کےمطابق کبڈی ورلڈکپ کے تیسرے روز آسٹریلیا، جرمنی اور بھارت نے اپنے اپنے میچ جیت لئے ۔آسٹریلیا اور بھارت کی سیمی فائنل تک رسائی کی راہ ہموار ہوگئی

باغی ٹی وی کے مطابق پنجاب اسٹیڈیم میں کبڈی ورلڈکپ کے میچز پوری آب وتاب سے جاری ہیں تیسرے روز مزید تین میچز کا فیصلہ ہوگیا ۔ آسٹریلیا اور بھارت نے مسلسل دوسري کامیابی حاصل کرکے سیمی فائنل میں رسائی کی راہ ہموار کرلی ۔

آج تیسے دن کے پہلے میچ میں آسٹریلیا نے آذر بائیجان کو 24 کے مقابلے میں 53 پوائنٹس سے شکست دي دوسرے میچ میں جرمنی نے انگلینڈ کو 28 کے مقابلے میں 49 پوائنٹس سے شکست دے کر کامیابی حاصل کی یہ ورلڈکپ میں جرمنی کی پہلی کامیابی تھی ،

ذرائع کے مطابق تیسرے میچ میں بھارت نے سیرا لیون کي کمزور ٹيم کو 18 کے مقابلے میں 45 پوائنٹس سے شکست دے کر کامیابی حاصل کی سیرا لیون کی ٹیم بھارت کے سامنے بے بسی کی تصویر بنی رہی ٹورنامنٹ کے چوتھے روز فیصل آباد کے اقبال اسٹیڈیم میں تین میچز کھیلے جائیں گے