سرینگر:بڈگام، تحریک المجاہدین کے سابق سربراہ کو مسجد میں قتل کر دیا گیا،اطلاعات کے مطابق ممتاز اہل حدیث عالم اور بیروہ بڈگام کے تحریک المجاہدین کے سابق سربراہ عبدالغنی ڈار کو میسومہ سری نگر کی ایک مسجد میں قتل کر دیا گیا
ذرائع کے مطابق سرینگر کے علاقے گاوکدل کی مسجد میں ایک شخص کی لاش پراسرار حالت میں پائی گئی۔ جس کی شناخت ضلع بڈگام کے تراگزو علاقے کے رہنے والے عبدالغنی ڈار کے طور پر ہوئی ہے۔ان کی عمر 78برس تھی۔
ذرائع نے بتایا کہ ان کی موت کی وجہ کا تعین نہیں کیا جا سکا ہے۔پولیس جائے واقعہ پر پہنچی ہے اور لاش کو اپنی تحویل میں لے کر تحقیقات شروع کردیں۔
