ہانیہ عامر اور مہوش حیات پشاور زلمی ٹیم کا حصہ بن گئیں

پاکستان شوبز انڈسٹری کی معروف اور نامور اداکارائیں مہوش حیات اور ہانیہ عامر پاکستان سپر لیگ فائیو ( پی ایس ایل) میں پشاور زلمی ٹیم کا حصہ بن گئیں

باغی ٹی وی کی رپورٹ کے مطابق پاکستان شوبز انڈسٹری کی معروف اور نامور اداکارائیں مہوش حیات اور ہانیہ عامر پی ایس ایل فائیو میں پشاور زلمی ٹیم کا حصہ بن گئیں جبکہ اس سال پشاور زلمی کا ترانہ پشتو ریپ کے ساتھ تیار کیا گیا ہے

اس کو فورٹیٹیوڈ نامی بینڈ نے تیار کیا ہے اوراس کی ویڈیو کو حسن داور نے ڈائریکٹ کیا ہےترانےکا نام زلمی رکھا گیا ہے اس ترانے کی ویڈیو میں مہوش حیات اور ہانیہ عامر کے علاوہ پشاور زلمی ٹیم میں شامل شعیب، ملک، حسن علی، ڈیرن سیمی اور دیگر کھلاڑی بھی دکھائی دیتے ہیں

واضح رہے کہ پی ایس ایل فائیو کا آغاز 20 فروری سے ہورہا ہے اور خیال ظاہر کیا جا رہا ہے کہ مہوش حیات اور ہانیہ عامر افتتاحی تقریب میں اس ترانے پر پرفارم کریں گی