امریکی صدر ڈونلڈ ٹرمپ نے جنوبی کوریا کی فلم کو آسکر ایوارڈ دینے کی شدید مخالفت کرتے ہوئے اکیڈمی ایوارڈز کو برا قرار دیتے ہوئے کہا کہ امریکا میں بہترین فلمیں بنتی ہیں
باغی ٹی وی کی رپورٹ کے مطابق امریکی صدر نے کولوراڈو میں انتخابی ریلی سے خطاب میں جنوبی کوریا کی فلم کو آسکر ایوارڈ دینے پر انتظامیہ کو شدید تنقید کا نشانہ بناتے ہوئے کہا کہ امریکا میں بہترین فلمیں بنتی ہیں دوسرے ملک کی فلم کو ایوارڈ دینا یہ بات سمجھ میں نہیں آتی
کولوراڈومیں خطاب میں امریکی صدر ڈونلڈ ٹرمپ نے کہا کہ جنوبی کوریا کے ساتھ امریکا کو بہت سے مسائل ہیں اس کے باوجود بہترین فلم کا آسکر جنوبی کوریا کی فلم پیراسائٹ کو دیدیا گیا
علاوہ ازیں انہوں نے فلم Once Upon a Time in Hollywood میں بہترین معاون اداکار کا آسکر حاصل کرنے والے اداکار بریڈپٹ کو بھی تنقید کا نشانہ بناتے ہوئے کہ وہ کبھی بریڈپٹ کے فین نہیں رہے وہ تھوڑے کم عقل انسان ہیں خود کو عقل مند سمجھتے ہیں
واضح رہے ہالی وڈ کے معتبر ترین ایوراڈ آسکر ایوارڈ 2020 میں جنوبی کوریا کی فلم پیراسائیٹ نے 4 ایوارڈ اپنے نام کئے تھے
