سوات :جماعت اسلامی نے لاہور کی بجائے سوات سے مہنگائی کے خلاف تحریک کا اعلان کیوں کیا ،دلچسپ اوراہم وجہ سامنے آگئی ،اطلاعات کےمطابق سوات کے علاقے مینگورہ میں مہنگائی کے خلاف ریلی کی قیادت جماعت اسلامی کے امیر سینیٹر سراج الحق نے کی جس میں سیکڑوں افراد شریک تھے۔
شرکاء سے خطاب میں سراج الحق نے کہا کہ آج کا اجتماع پی ٹی آئی کی تبدیلی کا جنازہ ہے، پوری قوم تبدیلی کا رونا رو رہی ہے، یہ جلسہ آٹا اور چینی چوروں کے خلاف ہے، چوروں نے ملک کو ایم آئی ایف کے حوالے کردیاہے۔
انہوں نے کہا کہ ملک پر پرویز مشرف اور پیپلز پارٹی کا مرکب برسر اقتدار ہے، آج کے پاکستان پر مسلط لوگوں کا نظریہ کسی کو معلوم نہیں، یہاں کے حکمران صرف اقتدار کیلئے آتے ہیں، اقتدار کے بعد حکمران لندن اور یورپ کا رخ کرتے ہیں، ان کے بچے یورپ اور امریکا میں پڑھتے ہیں۔
سراج الحق کا کہنا تھا کہ آئی ایم ایف کے اہلکار پاکستان کا معاشی نظام چلا رہے ہیں، وزیر اعظم کا گزارا 2 لاکھ روپے میں مشکل ہے تو غریب 15ہزار میں کیسے گزارا کریں؟ ان کا کہنا ہے کہ عمران خان ناکام ہوچکے، اُن کا کوئی ایجنڈا نہیں ہے، وہ خود ہی کہتے تھے کہ مہنگائی آئے تو سمجھ لینا حکمران چور ہے، ذخیرہ اندوز چور دائیں بائیں بیٹھے ہیں، دواؤں کی قیمتوں میں 200 فیصد اضافہ کیا گیا۔
یاد رہےکہ پہلے جماعت اسلامی نے لاہور سے مہنگائی کے خلاف تحریک شروع کرنے کا اعلان کیا تھا ، تاہم جب یہ محسوس کیا کہ لاہور میں تحریک میں جان ڈالنے کےلیے زیادہ لوگ نہیں آئیں گے توکے پی میں سے سوات کاانتخاب کیا گیا کیونکہ جماعت اسلامی کا خیال ہےکہ سوات اور کے پی میں کچھ اورعلاقوں میں ان کی جماعت سے تعلق رکھنے والے کافی لوگ ہیں
