تحریک انصاف کی خواتین رکن اسمبلی کی نااہلی کے خلاف دائر درخواست پر عدالت نے برہمی کا اظہار کرتے ہوئے کہا کہ سات دن دئیے تھے چودہ دن گزر گئے اراکین اسمبلی نے جواب نہیں دیا
حکومتی خواتین اراکین اسمبلی کو عدالت نے بلا لیا، اہلیت خطرے میں
باغی ٹی وی کی رپورٹ کے مطابق اسلام آباد ہائیکورٹ میں تحریک انصاف کی 3خواتین ممبران قومی اسمبلی کی نااہلی کیس کی سماعت ہوئی، عدالت نے کنول شوزب اورملائیکہ بخاری کے جواب جمع نہ کرانے پر برہمی کا اظہار کیا، جسٹس عامر فاروق کا کہنا تھا کہ ایم این ایزکا دورانیہ جب تک ختم ہورہا ہےتب تک ملتوی کردیتے ہیں ،کیس سے بھاگنے سے آپ بچنے والے نہیں ہیں ،آپ کےرویئے سےلگ رہا ہے درخواست گزارٹھیک بات کررہا ہے،
عدالت نے ملائیکہ بخاری کے وکیل سے استفسار کیا کہ کیوں آپ اس کوالتوا کررہےہیں؟لگتا ہےکہ جان بوجھ کرآپ ملتوی کررہے ہیں،ملائیکہ بخاری اورکنول شوزب کیوں جواب نہیں دیناچاہتیں؟ جسٹس عامر فاروق نے مزید کہا کہ 7دن میں جواب مانگا 14 دن میں بھی نہیں دیا،الیکشن کمیشن کے وکیل نے عدالت میں کہا کہ گزشتہ سماعت پربھی یہی کہا گیاجواب تیار ہے صرف جمع ہوناہے،عدالت نے کیس کی سماعت 16 جولائی تک ملتوی کردی
واضح رہے کہ درخواست گزار نے عدالت میں موقف اختیار کیا کہ کاغذات نامزدگی کی آخری تاریخ تک ملیکہ بخاری دوہری شہریت رکھتی تھیں، کنول شوذب نے اسلام آباد ہائی کورٹ میں ووٹ تبدیلی پر غلط بیانی کی، عدالت سے استدعا ہے کہ آئین کے آرٹیکل 62 اور 63 کے تحت ممبران کو نااہل کیا جائے۔ ایم این اے تاشفین صفدر کی دوہری شہریت پر نااہلی کیس پر بھی سوموار کو سماعت ہوگی۔ تینوں اراکین اسمبلی کے خلاف مسلم لیگ نے درخواست دائر کی ہے.
