عربوں کے بھی عجیب شوق ،اربوں لٹا دیتے ہیں‌،مگرمحنت مزدوری کرنے والے غیرملکیوں کوان کا حق نہیں دیتے

ریاض :عربوں کے بھی عجیب شوق ،کھیل کود میں اربوں لٹا دیتے ہیں‌،مگرمحنت مزدوری کرنے والے غیرملکیوں کو معاوضہ پورا نہیں دیتے یا دبا لیتے ہیں‌،اطلاعات کےمطابق سعودی عرب میں مہنگی ترین گُھڑ دوڑ کا مقابلہ، جیتنے والے جوکی کو ڈیڑھ ارب روپے انعام میں دے دیئے

ذرائع کے مطابق سعودی عرب میں ہونے والے دنیا کی مہنگی ترین گُھڑ دوڑ کے مقابلے میں امریکا کے نامور جوکی کو گُھڑ دوڑ کی تاریخ کا سب سے بڑا انعام دیا گیا۔مہنگی ترین گھڑ دوڑ کے مقابلے میں امریکا کے نامور جوکی لوئس سائیز نے اپنے عالمی شہرت یافتہ گھوڑے میکسیمم سیکیورٹی کی شاندار کارکردگی کے سبب پہلا سعودی گُھڑ دوڑ کپ جیت لیا۔

امریکا کے نامور جوکی لوئس سائیز کو سعودی شاہ سلمان نے گُھڑدوڑ کی تاریخ کا سب سے بڑا انعام ایک کروڑ ڈالر دینے کے ساتھ ٹرافی بھی پیش کی۔دوسری جانب مقابلے میں دوسرے نمبر پر آنے والے امریکا سے تعلق رکھنے والے گُھڑ سوار مڈ نائٹ بِسو ہیں جب کہ تیسرے نمبر پر بینبٹل ہیں۔