بدر منیر چودھری کا بڑا بیان

شیخوپورہ (نمائندہ باغی ٹی وی سے) پاکستان تحریک انصاف کی اینٹی کرپشن کمیٹی کے چیئرمین بدر منیر چوہدری ایڈووکیٹ نے کہا کہ ضلع شیخوپورہ میں وزیر اعظم عمران خان کے وژن کے مطابق کرپشن اور کمیشن مافیا کو نکیل ڈالنے میں سب سے بڑی رکاوٹ وہ افسران ہیں جو سابقہ ادوار حکومت میں اس ضلع میں کئی کئی برس سے تعینات رہے اور وہ اس ضلع میں رہ کر کروڑ پتی بن چکے ہیں ایسے افسروں کے اب بھی سابقہ دور حکومت کے با اثر لوگوں سے رابطے ہیں اور اب بھی وہ ان کی کٹھ پتلیاں بنی ہوئی ہیں انہوں نے یہاں میڈیا کے نمائندوں سے گفتگو کرتے ہوئے کہا کہ تحصیل کونسل میں ترقیاتی کاموں کے ٹینڈروں میں جس طرح پول کمیشن کا کھیل کھیلا گیا ہے یہ سابقہ ادوار حکومت کا مکمل آئینہ دار تھا جس کے بارے میں وزیر اعظم عمران خان اور وزیر اعلیٰ پنجاب عثمان بزدار کو رپورٹ کے ذریعے آگاہ کر دیا گیا ہے انہوں نے مطالبہ کیا کہ وزیر اعظم عمران خان کے وژن اور تحریک انصاف کے منشور پر عمل درآمد کے لیے شیخوپورہ میں فعال افسروں کو تعینات کیا جائے جن کا دامن کرپشن سے پاک ہو انہوں نے کہا کہ کئی محکموں میں افسر اور اہلکار خون چوسنے والی جوکوں کی طرح کئی کئی برس سے تعینات ہیں اور وہ ہر آنے والے افسر اور سیاسی رہنماء کو خوش کرنے میں خصوصی مہارت رکھتے ہیں جن کی موجودگی میں اس ضلع میں کرپشن ختم ہونے کی بجائے دن بدن بڑھ رہی ہے